餃餃餃子 (已結業)

耐唔耐都會嚟食晚飯，店內環境都有點似係日本咁，有吧枱，有四人枱...，其實餐牌種類唔算好多，有時咁樣反而容易揀到食乜既。通常嚟幫襯我都係會揀呢個咖哩豬排飯，因為佢個餐係會跟三隻是日精選餃子既，咁樣又有飯落肚，又食到餃餃餃子麻。個餐冇跟飲品既，要飲埋野就可以以平D既價錢飲到，所以呢個餐係好抵食。每次呢碗飯嚟到面前，都係熱辣辣，豬排即炸，飯夠熱，咖哩汁好香帶好微既辣，好正的，呢間舖有寫明用日本米的，日本米配日式咖哩真係好正！呢次叫多個小食，炸雞軟骨，好脆，當然都係即炸啦。