山東餃子館 (已搬遷) 新店位置

陪朋友去太子花墟旁邊的運動場打完球，唔肚餓但係又想食少少野，於是就係附近搵嘢食。突然見到呢間山東餃子館🥟，感覺好似唔錯就決定入去～店鋪幾簡單企理，無花巧的裝潢反而真係有幾分山東的樸素感。🥟餃子當然一定要點，有好多款口味可以俾客人揀，而且有雙拼口味可以選擇，就算有選擇困難症都唔使怕～我點左津白鮮肉，裡面的餡料非常多，一咬落去湯汁都會流出黎，而且餃子皮算幾薄，真係名副其實皮薄餡靚。朋友點左京蔥羊肉，連我呢個唔鍾意食羊肉既人都覺得好香，唔會有好大陣羊騷味👍🏻 而且好多餐廳的餃子餡肉都會切得好碎，但係呢度既餡料真係可以咬到，令到成個口感更加豐富～🤩