影片
更多
2024-05-27
173 瀏覽
📍ADEGA DO ANTÓNIO THE KING OF PIRI PIRI 🔍中環蘇豪士丹頓街33號金禧大廈地舖-----出街遇上傾盆大雨，機緣巧合下來了這間餐廳吃個晚餐避雨，餐廳有上下兩層，場地頗大，係主打葡國菜嘅酒吧餐廳。見上網好評頗多，就決定一試究竟。服務員笑臉迎人，態度很好，先加一分。本想點兩杯Cocktails 試試，恰巧遇上調酒師外出，所以就轉了兩杯House Wine and White，質素不錯，兩杯都頗順滑。🍽Bifaninha：小巧可愛的漢堡，貌相精緻。麵包質地柔軟鬆軟，邊緣微脆，帶淡淡橄欖油香氣，裡面的手撕豬肉濕潤多汁，加上酸甜橄欖粒提味，整體幾有特色。🍽Whole Piri-Piri：呢道份量頗大的菜式內有烤雞、薯條、白飯同沙律等。烤雞用上佢地自製嘅辣椒醬，幾惹味，辣而不嗆，而且雞肉軟嫩多汁；白飯同傳統中式白飯不一樣，感覺有啲似馬拉式嘅椰漿飯質感。而薯條就綿綿密密，新鮮即炸。🍽Robalo Grelhado：烤海鱸魚質感緊實，簡單加上紫洋蔥、初榨橄欖油汁等等作調味，令魚質滑潤且鮮味突出，加上粉綿軟熟嘅蒸薯仔，不錯。🍽Premium Pastel de Nat
🔍中環蘇豪士丹頓街33號金禧大廈地舖
-----
出街遇上傾盆大雨，機緣巧合下來了這間餐廳吃個晚餐避雨，餐廳有上下兩層，場地頗大，係主打葡國菜嘅酒吧餐廳。見上網好評頗多，就決定一試究竟。
服務員笑臉迎人，態度很好，先加一分。本想點兩杯Cocktails 試試，恰巧遇上調酒師外出，所以就轉了兩杯House Wine and White，質素不錯，兩杯都頗順滑。
🍽Bifaninha：
小巧可愛的漢堡，貌相精緻。麵包質地柔軟鬆軟，邊緣微脆，帶淡淡橄欖油香氣，裡面的手撕豬肉濕潤多汁，加上酸甜橄欖粒提味，整體幾有特色。
🍽Whole Piri-Piri：
呢道份量頗大的菜式內有烤雞、薯條、白飯同沙律等。烤雞用上佢地自製嘅辣椒醬，幾惹味，辣而不嗆，而且雞肉軟嫩多汁；白飯同傳統中式白飯不一樣，感覺有啲似馬拉式嘅椰漿飯質感。而薯條就綿綿密密，新鮮即炸。
🍽Robalo Grelhado：
烤海鱸魚質感緊實，簡單加上紫洋蔥、初榨橄欖油汁等等作調味，令魚質滑潤且鮮味突出，加上粉綿軟熟嘅蒸薯仔，不錯。
🍽Premium Pastel de Nata & Port Wine Baked：
葡撻邊緣酥脆，中央部分同港式蛋撻唔同，有灑上少許肉桂粉，質感類似比較實身嘅吉士，搭配酒精味重嘅Port Wine，甜得好有層次，幾有特色。
張貼
