影片
更多
2021-07-14
1504 瀏覽
記錄一下草根第一次食中菜版Wine Pairing Dinner🥂，呢間餐廳之前都食過一次，已經知道佢哋質素唔錯！今次知道餐廳推出品酒體驗，就即刻嚟試一試。酒主要來自中國山西嘅釀酒，怡園酒莊係第一間中國酒莊打入國際酒莊市場。✨ Welcome Wine草根啱啱一坐低，店員就即刻上咗呢款菊花味汽酒🌼，飲落充滿花香，非常清新🌿，有種充滿活力嘅感覺🌟，酒精味道非常低，帶微甜容易入口😘，適合女士同唔能夠飲酒嘅朋友。.Appetiser📍京滬四小碟黑松露溏心蛋：溏心蛋上放上不少黑松露，流心程度滿分🤤。冰鎮柚子鮑魚：口感彈牙，再配上味道香甜嘅柚子同醬汁，好食😋！風味醬小黃瓜🥒：醃酸青瓜作為前菜，酸味突出，令人胃口大開，亦都喚醒味蕾。蔥油熗海蜇頭：口感爽脆，可惜草根覺得唔夠鹽味，有待改進。.📍黃金鴨件配魚子醬呢個菜式相當精緻，當中有鴨皮、青瓜、山楂糕、脆米，鴨油味香濃，配上解膩嘅山楂糕同清爽青瓜，加上口感脆卜卜嘅脆米，不錯😌！.✨ Grace Vineyard Angelina Cabernet Franc Sparking Wine N.V.🦆🍸頭兩款前菜配搭呢隻sparking wine，顏色呈
✨ Welcome Wine
草根啱啱一坐低，店員就即刻上咗呢款菊花味汽酒🌼，飲落充滿花香，非常清新🌿，有種充滿活力嘅感覺🌟，酒精味道非常低，帶微甜容易入口😘，適合女士同唔能夠飲酒嘅朋友。
.
Appetiser
📍京滬四小碟
黑松露溏心蛋：溏心蛋上放上不少黑松露，流心程度滿分🤤。冰鎮柚子鮑魚：口感彈牙，再配上味道香甜嘅柚子同醬汁，好食😋！風味醬小黃瓜🥒：醃酸青瓜作為前菜，酸味突出，令人胃口大開，亦都喚醒味蕾。蔥油熗海蜇頭：口感爽脆，可惜草根覺得唔夠鹽味，有待改進。
.
📍黃金鴨件配魚子醬
呢個菜式相當精緻，當中有鴨皮、青瓜、山楂糕、脆米，鴨油味香濃，配上解膩嘅山楂糕同清爽青瓜，加上口感脆卜卜嘅脆米，不錯😌！
.
✨ Grace Vineyard Angelina Cabernet Franc Sparking Wine N.V.🦆🍸
頭兩款前菜配搭呢隻sparking wine，顏色呈淡金色，味道偏苦，口感較薄。調酒師建議可以先由淡至濃食起👅，食一啖溏心蛋，再飲少許Sparking Wine，味道更佳🤩。
———-———-———-———-———-———-———-———-——
Salad
📍柚子烤鴨沙律
✨ Grace Vineyard Tasya’s Reserve Chardonnay 2019🦆🍸
食完前菜到食返個沙律清下口腔先。廚師將一絲絲鴨肉同鴨皮放入沙律內🥗，再加埋沙律汁，味道豐富。
.
Signature Dish
📍京滬香酥烤鴨
呢一款烤鴨係餐廳嘅Signature Dish👑 ，基本上每一台客人都會食，相當受歡迎👏🏻。熱辣辣嘅烤鴨香氣四溢🔥，鴨皮香脆，肉質柔軟🦆，做到呢點好難得💯。肉汁豐盈，鴨油甘香🤤，餘韻留係口腔久久不散❤️！餅皮煙韌透薄，讚👍🏻！
店員介紹咗4️⃣款食法，先將一片鴨皮點砂糖食，有入口即融嘅感覺‼️之後可以按平日嘅食法，將京蔥、青瓜、甜醬等配料夾埋一齊食🙌🏻。再嚟就教大家食一個甜味版本🍬，按住平時嘅食法再加蜜瓜同山楂糕🍈，味道就會變得更豐富，清甜嘅蜜瓜將片皮鴨提升咗一個層次🆙！最後，大家可以將鴨髀點薑蓉一齊食，味道更加惹味👅。
.
✨ Grace Vineyard Tasya’s Reserve Marselan 2017🦆🍷
呢款烤鴨就配上今日嘅第一款紅酒，呈石榴石紅顏色，口感紮實，單寧酸澀味突出。
———-———-———-———-———-———-———
Main
.
📍蘇梅醬脆皮牛肋條骨
牛肋條外層炸過，口感酥脆。肉質食落唔夠細滑有啲韌🥩，而且只有兩片份量較少，整體感覺令人失望。另外配有一個炒飯，炒飯粒粒分明之餘配料仲好豐富，呢個好食。
.
✨ Grace Vineyard Chairman’s Reserve 2013 🐑🍷
特別要介紹吓呢一款由酒莊主人親自挑選並參與製作嘅年度最佳葡萄酒🍷，莊主揀出嗰年最好嘅葡萄🍇，再釀製成做紅酒。呢款紅酒入口比較䣩，口感溫和細膩，果香味重，留喺口腔嘅餘韻相對較長，輕晃紅酒杯嘅時候會見到能夠掛杯。
———-———-———-———-———-———-———-———-——
Dessert
📍蜜瓜西米露配雪糕
西米露加上冰涼嘅雪糕🍦❄️，非常消暑。
.
✨Michael Chiarlo Nivole Moscato d’Asti DOCG 2020🍦🥂
最後嚟咗一款意大利Piedmont嘅甜酒🥂，呢款甜酒非常容易入口，帶香甜嘅桃味🍑，似飲緊果汁🍹。
———-———-———-———-———-———-———-———-——
Wine
✨Grace Vineyard Angelina Cabernet Franc Sparking Wine N.V.🦆🍸
✨Grace Vineyard Tasya’s Reserve Chardonnay 2019🦆🍸
✨Grace Vineyard Tasya’s Reserve Marselan 2017🦆🍷
✨Grace Vineyard Chairman’s Reserve 2013 🐑🍷
✨Michael Chiarlo Nivole Moscato d’Asti DOCG 2020🍦🥂
張貼
