味千拉麵 (第一城中心) (已結業)

首推：日式手造餃子！menu睇毫不起眼，但真係好食！我覺得好味過拉麵。因為佢真係手製，皮薄餡靚，又即叫即做，煎到好香咁。入面唔似上海鍋貼咁有好多汁，但係乾得來都係好味既。因為乾啦，可以慢慢食到入面d味，唔錯。豬軟骨拉麵豬軟骨既軟骨真係可以食曬入去，煮得完全夠軟熟。一碗拉麵有3舊豬軟骨，size都ok，夠食。味千拉麵主要賣拉麵，所以佢d拉麵水平都有一定保證。但因為豬軟骨都比較中式，大家去味千拉麵可以試下叫佢日式d既拉麵，例如叉燒拉麵、豚肉拉麵咁樣，先會覺得食緊日本野。Anyway，味千d拉麵偏幼d，咀嚼時候有d融化既感覺系度。D湯都好濃，會眼見到系奶白色。雖然好味，但唔建議多飲，因為聽講落好多唔知咩劑落去，食多唔好。蒜片牛肉粒好多人去都會叫既小食，蒜片脆脆地，平時屋企煮飯唔會食蒜頭既我都會送埋一齊食。牛肉粒切好曬，容易入口。但係水準就睇果日廚師，有時候會太老，但多數都係ok既，蒜香會令到d牛肉粒更加好味道。呢道菜無點樣太多加工，幾單純，所以唔會太鹹，可以專心食到d牛肉。