影片
更多
2019-01-28
162 瀏覽
餐廳以和風木製裝潢為主調，有個大大嘅木櫃擺滿各式各樣嘅日本酒，牆上掛住日本庭園嘅畫，充滿日本風情。座位方面除咗普通座位仲有卡位同料理枱位，座位唔算多，可以靜靜咁享受吓。我哋星期六午飯時間嚟到，有壽司．刺身定食同午餐定食共18款選擇，價錢由百幾到三百幾都有。定食包前菜、蒸蛋、沙律、味噌汁，飲品可選咖啡或蘋果汁。前菜係南蠻漬，用南蠻醋浸泡嘅魚肉塊上面係一絲絲嘅酸洋蔥，開胃之選；沙律嘅番茄青瓜絲都幾清新；之後到到熱辣辣嘅蒸蛋，蛋香味濃。【雜錦刺身定食$288】刺身放喺一隻色彩鮮豔嘅瓷碟，有三文魚、縞縿魚、縞蝦、金目鯛、鰈魚、帶子同海膽。當中最特別係海膽，從顏色睇得出有兩種海膽，深色嗰隻味道濃啲；淺色就味道鮮啲。鰈魚就鮮甜中帶點清新，幾特別；帶子就好綿密鮮美；縞縿刺身喺香港比較少餐廳食到，魚鮮味濃。【大藏壽司便當$348】用首飾箱咁上下大嘅櫃桶做便當盒，櫃桶係用瓷器做，上面有日式水彩畫，裡面整齊放好食物，高雅又精緻，唔放上IG唔得啦～三款刺身係三文魚、縞蝦同縞縿刺身。三件壽司係金目鯛、鰈魚、帶子。卷物就係加洲卷，薄薄兩片，普通咗啲～魚生飯有海膽、三文魚籽同香蔥吞拿魚腩三種魚生飯。三種我都咁鍾意
我哋星期六午飯時間嚟到，有壽司．刺身定食同午餐定食共18款選擇，價錢由百幾到三百幾都有。
定食包前菜、蒸蛋、沙律、味噌汁，飲品可選咖啡或蘋果汁。前菜係南蠻漬，用南蠻醋浸泡嘅魚肉塊上面係一絲絲嘅酸洋蔥，開胃之選；沙律嘅番茄青瓜絲都幾清新；之後到到熱辣辣嘅蒸蛋，蛋香味濃。
【雜錦刺身定食$288】刺身放喺一隻色彩鮮豔嘅瓷碟，有三文魚、縞縿魚、縞蝦、金目鯛、鰈魚、帶子同海膽。當中最特別係海膽，從顏色睇得出有兩種海膽，深色嗰隻味道濃啲；淺色就味道鮮啲。鰈魚就鮮甜中帶點清新，幾特別；帶子就好綿密鮮美；縞縿刺身喺香港比較少餐廳食到，魚鮮味濃。
【大藏壽司便當$348】用首飾箱咁上下大嘅櫃桶做便當盒，櫃桶係用瓷器做，上面有日式水彩畫，裡面整齊放好食物，高雅又精緻，唔放上IG唔得啦～
三款刺身係三文魚、縞蝦同縞縿刺身。三件壽司係金目鯛、鰈魚、帶子。卷物就係加洲卷，薄薄兩片，普通咗啲～魚生飯有海膽、三文魚籽同香蔥吞拿魚腩三種魚生飯。三種我都咁鍾意，三文魚籽晶瑩剔透，咬落去仲好脆口，爆發鮮味。可以試吓三種撈埋嚟食，一啖過滿足晒三個願望。
天婦羅有蝦、茄子、菇同大葉，炸到熱辣辣，正～
張貼
