臨記

營業中

休息中

今日又經過天后，每次經過都會去林記買格仔餅食，呢間係我個人覺得，食過香港咁多間格仔餅之中最鬆軟又唔會太甜，而且外脆內軟！第一次幫襯嗰時，食落去第一啖真係有驚艷嘅感覺，不過最緊要係要即叫即食，佢仲有好多口味揀，一個格仔餅仲可以揀四個口味真係非常之啱我呢啲為食嘅人。今次我揀咗綠茶、朱古力、原味&茉莉花茶4隻味都唔錯！綠茶比想像中香濃，朱古力味個人最鍾意！老闆娘非常nice , 即叫即做，等咗大概5分鐘就有。建議大家經過天后一定要試吓。