影片
更多
5天前
52 瀏覽
其實日式串燒燒鳥一直都係我其中一樣最鍾意食既日本料理，今次就去左位於尖沙咀厚福街既【梵日本焼鳥】，餐廳定位係比較高級既串燒燒鳥居酒屋。餐廳位置唔算太多、但完全唔會覺得好逼。前菜—鹵牛舌、parma ham 芝士無花果：鹵牛舌好軟霖、無牛騷味、特製醬汁不錯。parma ham 芝士無花果鹹甜搭配，好開胃。關東煮—蘿蔔、蒟蒻、白魚板、年糕福袋、炸雜菜魚餅、椰菜卷：應該係秋冬限定，湯底比較清甜。個人最推薦蒟蒻、年糕福袋、同椰菜卷。蒟蒻唔會無曬口感、但又入味；年糕福袋吸曬D湯、入面年糕超級流心；椰菜卷爆曬汁！薯仔沙律：加左青瓜、蛋同火腿、非常有口感。鷄翼：非常juicy、皮脆肉嫩忌廉芝士蛋卷：蛋超級鬆軟、加左高湯非常入味、裏面再加左超多cream cheese，非常creamy。美中不住唔係甜味蛋卷。鷄胸軟骨：本身怕鷄胸會乾同柴、點知連呢個位都好juicy，軟骨位置非常脆口。燒味琳魚乾：燒得比較乾身、比較香。炭燒薩摩赤鷄腿肉：炭火味十足、薩摩赤鷄比較少脂肪、但完全唔會覺得乾。豚肉溏心蛋：呢個好特別、好考師傅手勢、因爲有機會隻蛋會爆開。裏面溏心蛋好流心、豚肉鹹鹹甜甜。免治鷄肉軟骨棒：呢個非常好食
前菜—鹵牛舌、parma ham 芝士無花果：鹵牛舌好軟霖、無牛騷味、特製醬汁不錯。parma ham 芝士無花果鹹甜搭配，好開胃。
關東煮—蘿蔔、蒟蒻、白魚板、年糕福袋、炸雜菜魚餅、椰菜卷：應該係秋冬限定，湯底比較清甜。個人最推薦蒟蒻、年糕福袋、同椰菜卷。蒟蒻唔會無曬口感、但又入味；年糕福袋吸曬D湯、入面年糕超級流心；椰菜卷爆曬汁！
薯仔沙律：加左青瓜、蛋同火腿、非常有口感。
鷄翼：非常juicy、皮脆肉嫩
忌廉芝士蛋卷：蛋超級鬆軟、加左高湯非常入味、裏面再加左超多cream cheese，非常creamy。美中不住唔係甜味蛋卷。
鷄胸軟骨：本身怕鷄胸會乾同柴、點知連呢個位都好juicy，軟骨位置非常脆口。
燒味琳魚乾：燒得比較乾身、比較香。
炭燒薩摩赤鷄腿肉：炭火味十足、薩摩赤鷄比較少脂肪、但完全唔會覺得乾。
豚肉溏心蛋：呢個好特別、好考師傅手勢、因爲有機會隻蛋會爆開。裏面溏心蛋好流心、豚肉鹹鹹甜甜。
免治鷄肉軟骨棒：呢個非常好食、最後要叫多一串！肉同軟骨既比例岩岩好、肉質緊實。就算無蛋黃都非常好食。
鷄湯素麵：比較清淡暖胃既一個主食。
梵特製滑蛋鷄肉飯：呢個喜出望外，無諗過親子丼都好食、蛋非常嫩、醬汁好食。
餐廳食物整體都非常好、好高質、氣氛不錯，而且服務態度好好，不過就會另外收每人$40既茶水同前菜費。
張貼
