泰濃麵 (樂道)

營業中

休息中

係尖沙咀行下街，諗住簡單啲食碗粉，點知揾到間泰國船麵。環境乾淨舒適，裝修有點復古感覺。有的似車仔麵，要揀湯底 (船湯，冬陰功湯，清湯)，麵底，同埋主食。唔同主食，會有各自既配料，炸豬皮，秋葵，蝦，魚蛋等- 頂級安格斯牛肉 + 冬陰功湯 + 金邊粉安格斯牛肉係好好食，有口感同埋肉味濃，不過少咗啲。金邊粉爽口，湯底口味比較正宗，好有泰國感覺。- 卜卜蜆 + 船湯 + 河粉船湯係泰式傳統湯底，味道濃郁，但係有啲改良，完全冇腥味。卜卜蜆都唔少，又冇沙，配料都好好食，值得推介。- 泰式小食拼盤（泰式炸蝦餅、雞翼、炸芝士雲吞）每樣兩件，啱曬二人share。炸蝦餅最好食，彈牙，好有水準。- 泰式香茅班蘭梳打特飲我鐘意飲泰國梳打，次次食泰國野必飲。依個特飲就真係少見啲，有原條香茅，同埋班蘭汁，梳打就自己加。味道特別，可以一試。