Maki拉麵 (已搬遷) 新店位置

係藍色湯底既拉麵啊🍜，唔知大家見過未呢❓其實之前係日本節目見到已經想試，估唔到而家香港都有得食喇😆😆身為一名吃貨而又鍾意打卡既多多，又點會錯過呢🤩呢度好易去，只需要係油麻地C出口向後行去鴉打街，就會揾到架喇😁今次試左：💙藍·清雞湯拉麵每日限定既拉麵，用到碟豆花整的清雞湯，湯底望落清徹，但食落卻有種煙熏味，溏心蛋經過醃製，而且好溏心，溏心蛋上的試管裝着濃縮的檸檬汁，可令湯底由藍色轉為紫色，湯亦會變得更清爽😆😆另外有即叫即燒串燒：❤️魔鬼燒魚翅乾相對較平日食的雞泡魚干更有咬口，作為餐前小食不錯🧡厚燒牛舌入口多汁，牛舌肉厚，食落爽口而唔會韌💚日式燒年糕外面燒至薄脆，帶有少少甜醬油味，裏面軟糯、Q彈，口感佳🤎鹽燒雞軟骨串和平日吃的雞軟骨不一樣，這個用到三角骨，較為長身，骨邊會有少許肉，食落更脆口💜麥提沙朱古力糯米糍好少見日式拉麵店會有甜品，味道像日本手信口味糯米糍，體驗由頭盤食到甜品的滋味😌