影片
更多
2021-10-13
1821 瀏覽
耶耶，又有酒店推出素食下午茶，梗係即刻去試食和打卡！中環石板街酒店跟純素化妝品牌 Hourglass 合作，推出以彩妝盤為靈感的精緻下午茶，四個鹹點加五個甜品都是蛋奶素食，另外當然都有英式鬆餅和飲品。擺盤造型就像化妝盤，有金金打亮又有粉色腮紅，女仔一定鍾意啦！Gradini 是位於中環石板街酒店大堂的意大利餐廳，入面裝修華麗，除了吃下午茶之外，每月更替的平日午市套餐都有一款素食可以揀，我之後都搵日再來食下先！餐廳定期推出全新主題下午茶，今次就跟美國純素零殘忍品牌 Hourglass 合作，推出靚靚素食下午茶，食完仲有優惠卡和遮瑕試用裝送添。素食下午茶包括4個鹹點、5個甜點、英式鬆餅和飲品。飲茶的話使用 Tea WG 茶葉，仲有 8 個味道可以揀，喜歡甜甜的話可以試下比較特別的櫻花茶。又或者可以試試特別為下午茶調製的「Infinity Mocktail」特飲。飲品使用神石榴汁和櫻花茶作基底，味道清新又幾特別。Gradini x Hourglass Afternoon TeaHK$298 /1位、HK$528 /2位為了配合 Hourglass 的彩妝盤雲石盒，下午茶亦以雲石盤奉上，餐點錯
耶耶，又有酒店推出素食下午茶，梗係即刻去試食和打卡！
中環石板街酒店跟純素化妝品牌 Hourglass 合作，推出以彩妝盤為靈感的精緻下午茶，四個鹹點加五個甜品都是蛋奶素食，另外當然都有英式鬆餅和飲品。擺盤造型就像化妝盤，有金金打亮又有粉色腮紅，女仔一定鍾意啦！
Gradini 是位於中環石板街酒店大堂的意大利餐廳，入面裝修華麗，除了吃下午茶之外，每月更替的平日午市套餐都有一款素食可以揀，我之後都搵日再來食下先！
餐廳定期推出全新主題下午茶，今次就跟美國純素零殘忍品牌 Hourglass 合作，推出靚靚素食下午茶，食完仲有優惠卡和遮瑕試用裝送添。
素食下午茶包括4個鹹點、5個甜點、英式鬆餅和飲品。
飲茶的話使用 Tea WG 茶葉，仲有 8 個味道可以揀，喜歡甜甜的話可以試下比較特別的櫻花茶。
又或者可以試試特別為下午茶調製的「Infinity Mocktail」特飲。飲品使用神石榴汁和櫻花茶作基底，味道清新又幾特別。
Gradini x Hourglass Afternoon Tea
HK$298 /1位、HK$528 /2位
為了配合 Hourglass 的彩妝盤雲石盒，下午茶亦以雲石盤奉上，餐點錯落擺放，色調也以化妝品為靈感，中間灑了金粉閃閃亮亮。
Beyond Beef in Vol-au-vent
未來牛肉餡奶油酥盒雖然用左 Beyond Beef，但食起來又無好重 Beyong beef 果個味，我覺得調味幾厲害，配上略帶甜加埋芝士好有層次。
Cucumber with Sundried Tomato, Herb, Cream Cheese Wrap
這個是清新清味蕾的代表，用新鮮又多汁的青瓜片，捲住忌廉芝士和日曬番茄乾等，咬起來口感很好又香氣十足。
Porcini Mushroom Quiche
牛肝菌迷你蛋塔中間軟滑，外面個撻皮仔又脆又帶牛油香，細細粒都做得好有水準。
Fig with Mozzarella Cheese, Truffle Honey
無花果加芝士真係完美配搭，上面仲淋左少少松露蜜糖，好味又無負擔。
Soymilk Panna Cotta with Forest Fruits
豆香十足的意式「奶凍」，味道其實有少少似豆腐花，口感一樣幼滑但質地就結實一點，吃起來都幾新奇有趣。
Cashew Macaron
腰果味的小小馬卡龍，吃起來有點中式杏霜那麼感覺，又真係食到腰果香，唔會太甜食一粒剛剛好。
Mini Cheesecake
芝士蛋糕吃起來就正正常常，最重要應該係個花畫得好靚。
Chocolate Truffle with Gold Leaf
好大粒實心的松露朱古力，朱古力夠香濃又吃到黑松露味，兩個加埋拎滿分。
Blush Chocolate Covered Strawberry
用粉紅色朱古力包住士多啤梨，好經典的配搭又有生果食下，成個下午茶感覺真係風健康 XD
Gradini x Hourglass Afternoon Tea
HK$298 /1位、HK$528 /2位
張貼
