倆口小吃 (已結業)

元朗名物之一米芝蓮必比登推介刈包，餐牌上都找到一個無肉之選，炸包炸菇香氣十足，黑蒜醬夠晒濃郁，唔怪得咁多人排隊食啦。除了元朗本店，品牌在中環Basehall都有分店，食飯時間都好多人排隊，趕時間不宜。元朗這個area好多特色咖啡店和食店，唔怪得咁多人特登去元朗找東西吃。小店開12:30，我三個字前到門口驚見有人龍，原來真係人龍店，平日都要排隊，不過好彩唔算多人，大概排第四好快落左單。主找刈包和壓餅，基本上就這兩樣而已。黑蒜菇菇炸刈包 HK$48 (套餐+HK$23)因為我由元朗買返大角咀食，所以凍晒，難得個炸菇仲係微脆，刈包亦外脆內軟。這個包入面勁多餡，有炸金菇、炒秀珍菇、油封茄乾、巴馬臣芝士、七味粉和黑蒜醬，味道非常香濃，不過食到成手成臉都係醬，唔太適合在街上香。四重芝士壓餅 HK$32壓餅有鹹有甜口味，基本上係一塊餅皮包住無限芝士，食半份都ok飽。剩低半份可以再焗爐翻熱第二餐食。