影片
更多
2021-11-09
106 瀏覽
屯馬線開通之後有機會踏足從未去過的地方，土瓜灣就是其中之一！今日約朋友去吃這間街坊平價西餐，薄餅意粉小食超多種類，最吸睛係有一個心型薄餅，又幾有heart幾有創意喎！土瓜灣站 B 出口轉個彎就見到，區區搵素食真係無難度！鋪頭唔算好大間，大概有十張四人檯，平日午餐時間坐滿晒好熱鬧。雖然話係街坊小店，但我覺得設計都幾有風格，灰色牆身工業風和小細節都有品味。角落處有個霓虹招牌幾前衛，難怪都幾多年青人學生仔幫襯。薄餅口味都幾多元化，而且係每日鮮製手工餅底咁犀利！當中仲有三款係素食口味。仲有意粉、焗飯、沙律和數不盡的小食，有青椒logo的都是素食，數量唔少。午市套餐五六十蚊好多野食，很受學生歡迎。下午茶仲更便宜！素食主義 HK$68 (6吋心形)估唔到街坊小店都有每日新鮮製造的手工薄餅，6吋心形每日限量供應，帶女仔來食一定要點啦！薄餅是厚厚的麵包風批底，咬起來很脆口，餡料亦多到滿出來，細細個已經好夠飽。海鮮闊條麵(白汁) HK$57朋友吃這個焗闊條麵，份量都幾多，白汁又很濃郁，海鮮的部分亦很豐富。蒜蓉包沙律 HK$53大大件的蒜蓉包意外地幾好食，麵包皮脆脆的，吃起來又夠蒜香。下面的沙律菜新鮮足料
屯馬線開通之後有機會踏足從未去過的地方，土瓜灣就是其中之一！今日約朋友去吃這間街坊平價西餐，薄餅意粉小食超多種類，最吸睛係有一個心型薄餅，又幾有heart幾有創意喎！
土瓜灣站 B 出口轉個彎就見到，區區搵素食真係無難度！
鋪頭唔算好大間，大概有十張四人檯，平日午餐時間坐滿晒好熱鬧。
雖然話係街坊小店，但我覺得設計都幾有風格，灰色牆身工業風和小細節都有品味。
角落處有個霓虹招牌幾前衛，難怪都幾多年青人學生仔幫襯。
薄餅口味都幾多元化，而且係每日鮮製手工餅底咁犀利！當中仲有三款係素食口味。
仲有意粉、焗飯、沙律和數不盡的小食，有青椒logo的都是素食，數量唔少。
午市套餐五六十蚊好多野食，很受學生歡迎。
下午茶仲更便宜！
素食主義 HK$68 (6吋心形)
估唔到街坊小店都有每日新鮮製造的手工薄餅，6吋心形每日限量供應，帶女仔來食一定要點啦！薄餅是厚厚的麵包風批底，咬起來很脆口，餡料亦多到滿出來，細細個已經好夠飽。
海鮮闊條麵(白汁) HK$57
朋友吃這個焗闊條麵，份量都幾多，白汁又很濃郁，海鮮的部分亦很豐富。
蒜蓉包沙律 HK$53
大大件的蒜蓉包意外地幾好食，麵包皮脆脆的，吃起來又夠蒜香。下面的沙律菜新鮮足料，芝麻醬亦很好吃。
兩個人食到咁豐富都只係二百蚊左右，最重要係環境舒服好坐好傾偈，食完仲可以過隔離九龍城浦Cafe。
張貼
