Made in HK Restaurant (已結業)

香港製造係香港已經愈嚟愈，今次難得一見，一於試下。葡國雞飯一上枱，已經聞到個陣香味，一大碗葡汁，送飯一流！個汁入面好多件滑雞，件件雞都好大件，肉質爽口彈牙。個汁甜甜地，唔會好濃稠，又唔流。有洋蔥嘅香味，亦有淡淡嘅椰香味。至放白飯就質香軟，煮得好出色。擺盤精美，白飯用長方形咁擺，唔會係勺嘅時候整到散晒，亦方便大家三五知己一齊share。白酒白汁蜆肉意粉 呢個意粉又係好好食但係製作就需時係用錫紙再用一層牛油紙包住拎去焗，menu寫住少少辣 但個人覺得真係微微嘅辣味，而平時唔食得辣嘅朋友我都覺得係可以嘗試下。本來飽飽地，但個意粉一上枱職員幫我地解開面頭嘅層紙，陣香味令我食慾大增，入邊有好多蜆🥰 啲蜆香甜美味，好香蒜味同洋蔥味。個意粉煮嘅時候同溫度拿捏得啱啱好，唔粉唔爛唔太淋，但意粉又吸晒啲汁，好正！最後呢我就介紹一個二人份量嘅香蕉船，佢同我哋平時食開嘅香蕉船都好唔同架！我哋平時食開嘅香蕉船係一隻盤仔上面放兩條香蕉，上面3球雪糕。但今次呢一款就係一個好大嘅酒杯去裝住半切香蕉係四周，入面都有六、七條香蕉圍住四球雪糕。雪糕有四隻味可以俾你揀，分別係士多啤梨、雲呢拿、焦糖海鹽同埋抹茶味，雪糕上面有鮮