影片
更多
2016-10-31
1429 瀏覽
原本諗著係吐露港海濱漫步，加一個看海的下午茶，享受一個靚正下午，點知去錯餐廳破壞晒好心情。大約係兩點五十分左右進入餐廳，第一個侍應招呼坐好後問係唔係要下午茶，回覆話係之後就只比咗一個下午茶餐牌同飲品餐牌講咗一句三點三開始就頭都唔回走開咗，但個下午茶餐牌寫三點開始，已經覺得點解寫一套做一套。到咗大約三點零五分左右，諗著叫第二個侍應落單先，點知回覆係三點半至開始跟著又調頭行咗去，所以再問經過嘅第三個侍應回覆都係話三點半開始下午茶，我對佢講既然係三點半，點解當初唔比埋午餐牌我等我可以選擇呀？跟著叫第三個侍應比埋個午餐牌我叫食物。好快我係三點十分前就落單叫咗兩杯飲品同兩個沙律。十分鐘後左右兩杯飲品到咗，但係兩個沙律到三點四十五公，即是落單後超過三十五分鐘都未到，諗著起身到收銀處問問，同時間另一檯客都因為落單太耐未到食物，所以取消落單並且結數離開。當侍應處理完之前客人結數後，我問佢兩個沙律叫咗三十五分鐘都未到，咁啱厨房就推出我叫嘅其中一個，個侍應就笑笑話到喇！我好高興並即時叫佢幫手追單，未得我就唔要，點知佢轉身就行開，完全無處理我嘅要求。到三點五十分餘下個沙律始終未到，所以我立即結賬離開，但結賬
原本諗著係吐露港海濱漫步，加一個看海的下午茶，享受一個靚正下午，點知去錯餐廳破壞晒好心情。
大約係兩點五十分左右進入餐廳，第一個侍應招呼坐好後問係唔係要下午茶，回覆話係之後就只比咗一個下午茶餐牌同飲品餐牌講咗一句三點三開始就頭都唔回走開咗，但個下午茶餐牌寫三點開始，已經覺得點解寫一套做一套。到咗大約三點零五分左右，諗著叫第二個侍應落單先，點知回覆係三點半至開始跟著又調頭行咗去，所以再問經過嘅第三個侍應回覆都係話三點半開始下午茶，我對佢講既然係三點半，點解當初唔比埋午餐牌我等我可以選擇呀？跟著叫第三個侍應比埋個午餐牌我叫食物。好快我係三點十分前就落單叫咗兩杯飲品同兩個沙律。十分鐘後左右兩杯飲品到咗，但係兩個沙律到三點四十五公，即是落單後超過三十五分鐘都未到，諗著起身到收銀處問問，同時間另一檯客都因為落單太耐未到食物，所以取消落單並且結數離開。當侍應處理完之前客人結數後，我問佢兩個沙律叫咗三十五分鐘都未到，咁啱厨房就推出我叫嘅其中一個，個侍應就笑笑話到喇！我好高興並即時叫佢幫手追單，未得我就唔要，點知佢轉身就行開，完全無處理我嘅要求。到三點五十分餘下個沙律始終未到，所以我立即結賬離開，但結賬期間，侍應的態度語氣加身體語言表明對我不尊重。就算到咗個梗燒牛肉沙律，好似係趕時間的製成品，味道一般、擺碟雜亂、沙律汁邊多邊少，完全係無心的製作。
我真係完完全全估唔到係科學園有一間咁差勁服務態度的餐廳營業，可能係工作日子對著科學園的科研人員係另一種咀臉。
張貼