老鍋台式火鍋 (京都廣場) (已結業)

近日涼涼哋就會不自然想打邊爐，但又想食個醒胃嘅火鍋，有人推介咗老鍋台式火鍋店！我就立即行動，食食食😋到咗老鍋店後二話不說就叫咗個老饕酸菜白肉鍋，再叫埋台灣蒜香腸、嘉美農場雞肉、梅菜豬肉丸(半份)、魚皮餃(半份)、冬瓜茶同埋一支冷泡白桃烏龍茶🤩先嚟咗個酸菜白肉鍋，估唔到火鍋入面勁多蔬菜，有粟米🌽、鮮冬菇、蕃茄、酸菜同埋我最想食嘅白肉，真係好有驚喜！只因為上年喺台灣食嗰種只有酸菜同白肉，真係估佢唔到用料十足！先飲一啖湯，飲落好特別，對比其他酸菜白肉鍋多咗份鮮味，可能加咗啲蕃茄同粟米，好香濃加開胃！加上有鮮蕃茄，充滿着大量茄紅素，茄紅素具有抗氧化，醒胃加美肌，勁🤩再夾一塊白肉食吓先，嘩！勁香酒味，白肉爽口又唔油膩，正正正😍夾夾吓先發現原來鍋入面有好多晶瑩剔透嘅寬粉條，咬落好滑，而且同啲湯好夾呀！魚皮餃皮薄饀靚！梅菜豬肉丸真係好似食緊梅菜豬肉餅，但係變丸狀，堅特別呀🤩嘉美農場雞肉每件都大大塊，滾熟後，仍然爽口鮮嫩，鮮味無窮！嘉美雞真係無得輸！台灣蒜香腸無平時喺台灣食嗰啲咁油膩同肥，蒜味夠之餘，口感十足，咬落又唔會咇啲油，Yummy😚冬瓜茶加冰飲落唔會太甜，解渴一流👍🏻冷泡白桃烏龍茶飲落無乜桃味