味火鍋 (華僑商業中心)

無限時火鍋放題任飲任食已經好吸引,最長仲可以食足七個鐘！真係性價比高👍逢星期四至六仲有深宵火鍋任飲食,9:30pm食到2:00am,,真係啱晒我呢啲咁夜收工嘅人！旺角分店交通方便,座位大多數係卡位,亦都有唔同大細vip房比一大班人聚餐,枱面預備好餐具,開瓶器,濕紙巾,包裝紙巾非常貼心！🦞芝士焗波士頓龍蝦芝士味香濃,大隻新鮮,仲有好多蝦膏添,連個鉗都有超多肉!🫕自選湯底有成十款湯底任揀(鴛鴦鍋底不另收費),香濃沙嗲鍋味道啱啱好,鮮蕃茄豬骨濃湯,內裏有大量新鮮蕃茄薯仔同豬骨,湯底鮮甜,越熬越出味！🥩美國安格斯牛肉拼盤有手切牛小排、牛肩胛、牛板鍵,牛肉高質又大片,肉質鮮嫩,口感極佳,令人 回味無窮。🫕火鍋配料用QR code落單有好多種類,豚肉大大塊,豬骨濃汁貢丸幾爽,灸燒芝心丸,有拉絲效果,鮮蝦水餃、韮菜水餃、菠菜苗豬肉餃大大隻好爆料,仲有鴨血、萵筍、鮮淮山、南瓜、粟米,娃娃菜等等！粟米超級甜,極力推介