新城潮州飯店

營業中

休息中

好耐冇來九龍城開餐，梗係去老字號嘅新城食潮州菜。新城分兩個舖，一邊食粉麵，另一邊有圆枱卡位，適合大班親朋好友聚餐。經過簡單粉飾嘅過舖面，比以前光猛濶落。以前門口有位阿姐係門口煎蠔饼，而家可能衛生原因已搬走了。一坐低先來個韮菜豬红，識食嘅叫埋墨魚拼鹅腸。豬红夠滑微辣、鹅腸爽口，水準依舊好。再來鹵水鹅肉上庒，鹅肉入味配上花生和豆腐，食到我好懷念嘅蠔饼，即叫即炸，鬆化嘅外皮用鸭蛋、蠔仔一起炸，跟坊間嘅蠔餅舆別不同。最後少不了來個signature糖醋面／双面黄作個總结。它心心嘅外形迷倒了不少人，面嘅外層煎得脆脆，大厨十分有心機慢慢煎，這道菜已越來越少潮州菜馆供應。總括來說，新城嘅出品保持水準會再訪。