星級餐廳

營業中

休息中

路過見新開張，原來係食台式火鍋，今晚就同小白兔黎探下路先。環境時尚舒適點了火鍋放題A餐，可以任點任食安格斯牛板鍵，豬梅肉，羊肩肉。牛板鍵牛味重，淨係食牛就已經值番哂，洗乜長途跋涉北上搵食。仲可以任食台式小食，有炸紫薯球，地瓜條，甜不辣。味道煙韌，有口感，拍得住台灣夜市。除了平常都有的罐裝飲品，竟然仲有珍珠奶茶！味道都唔錯，珍珠夠Q夠軟。聞到隔離枱椰子雞湯，勁香，所以我哋都點。 果然沒有令我們失望！超濃郁椰香味， 好多椰子肉，仲有成個椰青俾我地加落湯底。仲有台式特式花生湯圓，芝麻湯圓， 魚籽福袋，鮑魚仔，花膠，水魷，川粉，淮山等。磯燒鮑魚伴魚籽，直接食就得， 味道矜貴最後仲點了朱古力窩夫，夾熱左牛角酥再加朱古力雪糕，熱牛油香再配上冰凍朱古力雪糕。總括而言，食材新鮮， 湯底清香，有台灣特色，誠意十足。