影片
更多
2016-05-02
1022 瀏覽
開完夜餓咗成晚, 成班餓鬼去左附近搵嘢食, 餓左咁耐緊係打邊爐啦, 但係大鍋口太多人, 所以就去左搵第二間食, 最後就揀左樓下嘅好一鍋. 呢度當然冇咁多人, 但係當試下新嘢囉, 價錢方面九點半後$128加一, 算係非常抵, 但係食物質素始於係最重要, 所以都係要試過先知.湯底我地叫左免費既沙爹同胡椒豬肚湯, 沙爹湯味道濃郁, 胡椒豬肚湯胡椒味強勁, 又啲辣,但係又幾過癮. 食物方面選擇齊全 (海鮮類我唔食, 所以唔太清楚), 一開始當然食肥牛, 賣相非常好, 但肥膏較多, 雖然岩哂我地呢啲餓鬼, 但怕肥既朋友要小心啲 (怕肥就唔會食肥牛啦!), 四寶丸全部都係手打既, 質感同出面食開普通機打既丸差好遠, 一定要試下! 值得一提既係, 我地另外叫嘅極品肥牛粒 (要另外加錢) 牛味同油香味極濃, 肉質細嫩, 一定要試一試! 除左肉, 蔬菜都係打邊爐其中一樣好重要嘅食材, 而我地今次叫既菜芯非常新鮮, 完全都冇霉到.另外大蝦, 帶子, 鱔….等等海鮮緊係唔少得啦, 全部都好新鮮.除左火鍋配料外. 甜品方面有”韓國”乳酪雪糕, 佢有唔同種類嘅配料有麥皮碎, 綿花糖, 糖粒同提子乾粒比你揀, 味
湯底我地叫左免費既沙爹同胡椒豬肚湯, 沙爹湯味道濃郁, 胡椒豬肚湯胡椒味強勁, 又啲辣,但係又幾過癮. 食物方面選擇齊全 (海鮮類我唔食, 所以唔太清楚), 一開始當然食肥牛, 賣相非常好, 但肥膏較多, 雖然岩哂我地呢啲餓鬼, 但怕肥既朋友要小心啲 (怕肥就唔會食肥牛啦!), 四寶丸全部都係手打既, 質感同出面食開普通機打既丸差好遠, 一定要試下! 值得一提既係, 我地另外叫嘅極品肥牛粒 (要另外加錢) 牛味同油香味極濃, 肉質細嫩, 一定要試一試! 除左肉, 蔬菜都係打邊爐其中一樣好重要嘅食材, 而我地今次叫既菜芯非常新鮮, 完全都冇霉到.
另外大蝦, 帶子, 鱔….等等海鮮緊係唔少得啦, 全部都好新鮮.
除左火鍋配料外. 甜品方面有”韓國”乳酪雪糕, 佢有唔同種類嘅配料有麥皮碎, 綿花糖, 糖粒同提子乾粒比你揀, 味道都算唔錯, 係火鍋店第一次見到有咁既野食, 非常特別, 雖然自己對呢類特色雪糕冇咩興趣, 但點都要試試!
環境方面一啲都唔迫, 侍應好熱心幫手, 好好笑容, 唔會黑口黑面, 十分抵讚.
以好一鍋嘅食物同服務質素黎講, 呢個價錢算係超級抵食, 不足之處係食物同甜品種類較少, 可以改善! 雖然始終講抵食方面, 係我心目中大鍋口始終排第一, 但如果你book唔到位, 好一鍋不失為一個好選擇.
張貼
