影片
更多
2017-10-07
324 瀏覽
難得平日放假，趁少人同男朋友去左大埔踩單車，晚夜番大埔搵食，聽朋友講，廣福道附近都幾野食，有d本土既小店餐廳，而今晚揀左呢間Route 83試下。係門口經過見到d dinner set都幾抵食，對比前一晚係元朗見到既西餐，平大約3成，雖然唔知味道點，但見咁抵就入去試下。入到d位唔算最闊落，但都唔會逼，waiter好快比左meun我地睇，都幾多選擇，飲唔meun仲整得好靚好吸引。我地每一叫左一個set，本身都幾想試德國豬手，因為見到隔離點超大份好香脆咁，但男朋友唔太鐘意食豬，所以我地最後點左一份10安士肉眼扒配芝士煙肉焗薯、一份巴里烤雞焗薯、同一個白酒炒青口小食。每個Set Dinner都配沙律或者湯，同飲品，special drink 都係加$8-$15蚊，仲有手工啤酒可以order！男朋友話想食d開胃前菜，所以我地一個叫左湯一個叫左沙律。沙律係迷你凱薩沙律，好開胃，雖然細細碗，但好足料。 而個湯係我最愛既蘑菇忌廉湯，用新鮮蘑菇打碎加忌廉，食到粒粒蘑菇口感，勁香濃同creamy，一定要試！之後到小食白酒炒青口，呢道菜不過不失，都幾多青口，可能白酒蒸發左，唔會有酒味，揸車都食得。之後到重
係門口經過見到d dinner set都幾抵食，對比前一晚係元朗見到既西餐，平大約3成，雖然唔知味道點，但見咁抵就入去試下。
入到d位唔算最闊落，但都唔會逼，waiter好快比左meun我地睇，都幾多選擇，飲唔meun仲整得好靚好吸引。
我地每一叫左一個set，本身都幾想試德國豬手，因為見到隔離點超大份好香脆咁，但男朋友唔太鐘意食豬，所以我地最後點左一份10安士肉眼扒配芝士煙肉焗薯、一份巴里烤雞焗薯、同一個白酒炒青口小食。
每個Set Dinner都配沙律或者湯，同飲品，special drink 都係加$8-$15蚊，仲有手工啤酒可以order！男朋友話想食d開胃前菜，所以我地一個叫左湯一個叫左沙律。沙律係迷你凱薩沙律，好開胃，雖然細細碗，但好足料。 而個湯係我最愛既蘑菇忌廉湯，用新鮮蘑菇打碎加忌廉，食到粒粒蘑菇口感，勁香濃同creamy，一定要試！
之後到小食白酒炒青口，呢道菜不過不失，都幾多青口，可能白酒蒸發左，唔會有酒味，揸車都食得。
之後到重點啦，期待既10oz肉眼扒配芝士煙肉焗薯，牛扒我地叫左7成熟，因為唔鐘意太生，但話7成就7成，唔會太熟，very juicy同好有牛味，早知叫12oz!個焗薯都好好味，同芝士煙肉好match！
因為都幾大份，所以已經飽飽地，但仲有一個烤雞Set，呢款雞唔係平時既烤香脆雞，係用巴里醬焗，唔會焗好乾身，相反焗得好滑，而且個汁好惹味！
我仲點左杯熱潤茶，呢款茶可以揀唔同配料，我揀左柚子同蘆薈，除左配料餐廳仲用左蜂蜜沖調咁，真係好潤。因為男朋友唔飲甜野，所以encore 叫多左一杯比自己！
估唔到大埔小店都可以食到咁滿足既一餐，下次想食西餐又係附近一定會再黎啊！
張貼
