必勝客

營業中

休息中

今日一個人去咗將軍澳，差唔多兩點都未食晏，喺新都城二期行嚟行去都諗唔到食乜，最後見到Pizza Hut，心諗好耐冇去過，就入去食個下午茶啦。我叫咗個$49葡汁雞皇焗飯同加$3將飲品轉咗做忌亷雞湯。因為以前有個會藉，所以問吓仲有冇用，順便問吓有冇乜嘢優惠。行埋嚟嗰位先生，睇落好似店長勁helpful。佢掃完個會員QR Code, 話我有張$50生日coupon, 不設最低消費，仲問我今日用埋好唔好。😊個湯好快就上，味道okay啦，不過勝在夠熱。飲完個湯冇耐，個焗飯都嚟埋。好熱辣辣，見到啲汁上面有泡泡起伏（証明係好熱）。雞肉唔多，味道都幾okay，又係勝在夠哂熱。最後俾錢連加一$57.2，不過扣咗張coupon後，我嘟咗$7.2找數。勁開心！😃真係要多謝Pizza Hut。