影片
更多
2024-04-05
103 瀏覽
喺灣仔船街盡頭隱藏一間小餐館，外面睇嚟似係古式西餐廳，點知一試之下好有驚喜！👉🏻香煎章魚鬚 $148一上枱啱啱煎好嘅章魚鬚香氣撲鼻，令人食慾大增，而且擺盤好靚。一入口估唔到係咁鮮嫩而又不失爽口，旁邊幾件切好咗嘅章魚鬚配上三文魚籽嘅鹹香，層次豐富。章魚鬚下面嘅羽衣甘藍用蜜糖做醬汁，成功癖走羽衣甘藍嘅苦澀，剩低爽爽嘅口感同豐富嘅營養！呢啲用心嘅配搭令我哋非常期待主菜！👉🏻避風塘豬扒 $348西班牙豬扒非常大件，而且一切落去已經感受到肉質軟嫩，可能因為餐館專登煮到九成熟，啱啱好。豬扒上面有好多炸蒜，加上側邊伴碟嘅蒜頭花，加埋一齊入口，脆、軟、嫩三重口感，成個口都係豐富嘅蒜頭味但又唔會搶過肉味，呢個中西fusion配搭真係不得了！唔怪得知係Must Try!👉🏻冬陰功大蝦意粉 $198兩隻大蝦好彈牙，但更令人興奮嘅係下面嘅意粉！意粉有咬口，軟硬適中，最欣賞係每一條意粉都掛滿咗濃濃嘅冬陰功汁！每食一啖就好似飲咗一碗特濃冬陰功！小小酸加微辣，令人越食越開胃！成餐飯都好驚喜，一路食一路同友人不停讚嘆大廚嘅心思，好期待下次嚟試埋佢其他特別嘅菜式！
👉🏻香煎章魚鬚 $148
一上枱啱啱煎好嘅章魚鬚香氣撲鼻，令人食慾大增，而且擺盤好靚。一入口估唔到係咁鮮嫩而又不失爽口，旁邊幾件切好咗嘅章魚鬚配上三文魚籽嘅鹹香，層次豐富。章魚鬚下面嘅羽衣甘藍用蜜糖做醬汁，成功癖走羽衣甘藍嘅苦澀，剩低爽爽嘅口感同豐富嘅營養！呢啲用心嘅配搭令我哋非常期待主菜！
👉🏻避風塘豬扒 $348
西班牙豬扒非常大件，而且一切落去已經感受到肉質軟嫩，可能因為餐館專登煮到九成熟，啱啱好。豬扒上面有好多炸蒜，加上側邊伴碟嘅蒜頭花，加埋一齊入口，脆、軟、嫩三重口感，成個口都係豐富嘅蒜頭味但又唔會搶過肉味，呢個中西fusion配搭真係不得了！唔怪得知係Must Try!
👉🏻冬陰功大蝦意粉 $198
兩隻大蝦好彈牙，但更令人興奮嘅係下面嘅意粉！意粉有咬口，軟硬適中，最欣賞係每一條意粉都掛滿咗濃濃嘅冬陰功汁！每食一啖就好似飲咗一碗特濃冬陰功！小小酸加微辣，令人越食越開胃！
成餐飯都好驚喜，一路食一路同友人不停讚嘆大廚嘅心思，好期待下次嚟試埋佢其他特別嘅菜式！
張貼
