萬家美食(馬來豬扒專門店)

營業中

休息中

喺Openrice寫嘅第171篇食評，終於試到成為一間餐廳嘅第一篇喇。其實呢間小店喺將軍澳嘅群祖間唔中都會有人提，每次都係讚讚讚。呢間小店位於富寧商場門外舖，門口細細，有個Led燈招牌。雖然舖仔細細，但食物出品唔錯，以豬扒最出名，價錢亦大眾化。馬來豬扒蛋飯，豬扒一啲都唔鞋，好香又有肉味，仲有荷包蛋加豉油飯。蒜香雞翼撈公仔麵，雞翼外脆内嫩，大量炸蒜舖喺麵上面，唔太鹹，唔錯。沙薑雞飯，雖然唔係胸位，但唔鞋，沙薑更提升味道。蒜香排骨煲仔飯，煲仔飯要等二十分鐘，排骨新鮮，飯有微微焦香味。香煎芙蓉蛋飯，蛋液加蔥花，火腿，蝦仁煎成，飯都係加豉油。生煎鹹魚蓉肉餅飯，鹹魚味唔夠，肉餅口感香脆肉質新鮮。