三冠皇餐廳 (已結業)

本黎係想去甜甜地食晚飯,或者食魚蛋粉,但路經此地,出面門口有個侍應同我sell野,幾有禮貌,搞到自己唔好意思推左人地,就入左去...出面個侍應同我sell的係拉麵,話拉麵做緊特價,二十多元又唔使加一...自己則求其點個豬軟骨拉麵...講講環境,天花兩盞水晶吊燈,有跑馬的大畫像,成層幾兩層樓高...而menu,有些食物菜式也有用與跑馬有關的詞語命名...豬軟骨拉麵碗大拉麵少...豬軟骨頗入味,肉質腍身,但骨則不軟,而係硬的...拉麵比平時食開的幼身,食落唔係咁似拉麵,但算係有d咬口...入面仲有d椰菜,紅蘿蔔,椰菜花,個湯係咩湯,自己就唔知了,不過應該冇落味精...味道上可以的,不過唔係日式煮法,感覺上有點兒不倫不類...服務方面,門外的侍應幾好禮貌,但可能因自己叫得少野食,入面的侍應似乎有d不滿...下次黎食的話,都係食意粉好了...假如係跑馬時間,呢度會否熱鬧非常呢?