影片
更多
2018-02-22
53 瀏覽
之前食過紅磡的「美味佳」，覺得佢的串燒好食，只係坐得唔多舒服。自遇上旺角的「好燒式」，無論味道、環境，都足以超越美味佳，成為我近來最愛的平民串燒店，果然係好消息。雖然位處砵蘭街，但離朗豪坊有兩三條街距離，所以都唔算好旺，去過兩次都唔需要等位。呢度的串燒款式比美味佳多，仲分為肉類、蔬菜類、海鮮類，再加意粉、墨西哥薄餅、辣酒煮花螺等等，怕齋食串燒唔夠飽都唔駛驚。是日唔肚餓，所以只集中叫串燒。當中必點嘅係豆腐（$16），燒到外面脆脆地，裡面仲好滑嫩juicy已經吸引，加上佢的秘製燒汁，惹味得來又唔會太濃，唔需要另點佢的酸辣醬都已經好好食。鹽燒牛舌（$26）都係串燒必點菜式，肉質都算腍，帶微微羶香，牛舌粉絲應該會鍾意。雞肉腸（$15兩條）純粹因個人喜好而叫，唔會燒得過火（雖知好易燶），味道正路但唔會突出。鹽燒白鱔（$42）燒得皮脆脆的，肉就帶煙韌，又冇骨，必點。食串燒又點可以唔叫雞翼（$17兩隻），掃上燒汁的雞翼燒得顏色金黃，裡面雞肉嫩滑。煙肉露筍卷（$18）雖然唔算好有驚喜，但清爽鮮甜的露筍吸左煙肉香味，又可以中和油膩，都唔錯。如果話美味佳的串燒係以孜然粉等香料做主導，好燒式就係主打秘製燒汁
雖然位處砵蘭街，但離朗豪坊有兩三條街距離，所以都唔算好旺，去過兩次都唔需要等位。
呢度的串燒款式比美味佳多，仲分為肉類、蔬菜類、海鮮類，再加意粉、墨西哥薄餅、辣酒煮花螺等等，怕齋食串燒唔夠飽都唔駛驚。
是日唔肚餓，所以只集中叫串燒。當中必點嘅係豆腐（$16），燒到外面脆脆地，裡面仲好滑嫩juicy已經吸引，加上佢的秘製燒汁，惹味得來又唔會太濃，唔需要另點佢的酸辣醬都已經好好食。
鹽燒牛舌（$26）都係串燒必點菜式，肉質都算腍，帶微微羶香，牛舌粉絲應該會鍾意。
雞肉腸（$15兩條）純粹因個人喜好而叫，唔會燒得過火（雖知好易燶），味道正路但唔會突出。
鹽燒白鱔（$42）燒得皮脆脆的，肉就帶煙韌，又冇骨，必點。
食串燒又點可以唔叫雞翼（$17兩隻），掃上燒汁的雞翼燒得顏色金黃，裡面雞肉嫩滑。
煙肉露筍卷（$18）雖然唔算好有驚喜，但清爽鮮甜的露筍吸左煙肉香味，又可以中和油膩，都唔錯。
如果話美味佳的串燒係以孜然粉等香料做主導，好燒式就係主打秘製燒汁，感覺冇咁乾又惹味。最緊要係，廚師對每種食材的火候都拿捏得好準確，唔會燶，仲做到皮脆肉嫩，加上價錢相宜，以後在旺角有好選擇了。
13 瀏覽
0 讚好
0 留言
10 瀏覽
0 讚好
0 留言
張貼
