華苑潮州閣

營業中

休息中

四人以上飯局唔知食乜好？推介一間潮州菜俾大家，好味，地方又方便，仲有好多菜式選擇。多人飯局仲可以試多幾碟唔同既食物😋蝦棗拼蟹棗必食推薦💪🏻兩樣都炸到脆卜卜，咬落夠晒爽口彈牙，充滿蝦同蟹既鮮甜味，食落就知佢夠晒好足料🤤普寧豆腐必食推薦👍🏻豆腐炸得外脆內軟，夠乾身，一D都唔油膩，十分香口，食完忍唔住又叫多碟😂滷水掌翼呢度既滷水滷得好入味，味道咸香，食完個口仲有好香既滷水味😋真係回味無窮黃金海蝦必食推薦👍🏻用咸蛋黃包住鮮蝦炸，真係極度邪惡😍咸香鮮味，蝦肉入口仲係彈牙，火候岩岩好蠔餅勁多蠔仔，蠔味濃郁，厚薄適中，香脆好味道😋潮州豬頭粽呢樣冷盤味道就特別少少，係潮州既傳統菜式，主要用豬肉及多種香料製成，口感柔軟有彈性，質感介乎凍肉同肉乾之間，略帶甜味，加上少量酒香、酒香，仲有香料味，味道幾獨特，好唔好食見人見至。菜脯芥蘭炒米材料唔算好豐富，但食落夠鑊氣，味道唔錯。紫菜雙丸湯（牛丸、魚蛋）牛丸似係自製，食落有牛肉香，紫菜湯既咸鮮味，加埋芽菜生菜一齊食，好爽口鮮甜😋呢度既食物整體味道唔錯，特別係炸物，脆而不膩，火候適中，無論口感同味道都做得好唔錯。環境闊落，多卡位，坐得都幾舒服，唯獨食客多，職員比較