影片
更多
2019-04-23
47 瀏覽
今日約咗幾個好姊妹在尖沙咀聚一聚，去咗比較少去嘅寶勒巷睇下有咩心水，原來呢條街有好多選擇，不過最後都係揀咗打邊爐，因為見呢間舖新開張，試業期間有全單68折優惠，見咁抵，所以試一試。店舖枱與枱之間都算闊落，唔會同隔離枱好親密，而我地一行四人被安排坐卡位，非常舒適。店員第一時間放低個調味架，有8款調味料，除咗有基本嘅芫茜、蔥花、乾熟蒜蓉、青紅辣椒、沙嗲醬外，最特別係有XO醬，坊間比較少見。首先嚟碟三色刺身，都算新鮮肥美。湯底我地揀咗漁一花甲皇蟹鍋，除咗有兩隻不大不小嘅蟹同花甲喺主角外，仲有大蔥、洋蔥、胡椒做配角，湯底清甜，之後啲蟹吸收晒打邊爐啲精華，蟹肉非常之甜。頂級手切安格斯肥牛，肥瘦均勻而且有牛味。本地澳洲黑豚肉，一啲都唔嚡，好嫩滑。炸午餐肉，平時食開都係就咁厚切嘅午餐肉，呢度就多咗一重功夫炸過嘅，就算唔覺意淥耐咗都無咁易淋。手打墨魚滑，份量都唔少，好彈牙。花樣油條，叫呢樣嘢嘅原因係因爲被油條個名吸引咗，原來係墨魚滑釀油炸鬼...早知魚滑揀另一款試啦手製四寶餃，呢個真係抵食之選，首先佢有黑松露帶子餃、水餃、雲吞同韭菜餃；每隻雲吞裡面都有隻鮮蝦，足料；而韭菜餃有大量韭菜，鍾意韭菜嘅人一定
店舖枱與枱之間都算闊落，唔會同隔離枱好親密，而我地一行四人被安排坐卡位，非常舒適。
店員第一時間放低個調味架，有8款調味料，除咗有基本嘅芫茜、蔥花、乾熟蒜蓉、青紅辣椒、沙嗲醬外，最特別係有XO醬，坊間比較少見。
首先嚟碟三色刺身，都算新鮮肥美。
湯底我地揀咗漁一花甲皇蟹鍋，除咗有兩隻不大不小嘅蟹同花甲喺主角外，仲有大蔥、洋蔥、胡椒做配角，湯底清甜，之後啲蟹吸收晒打邊爐啲精華，蟹肉非常之甜。
頂級手切安格斯肥牛，肥瘦均勻而且有牛味。
本地澳洲黑豚肉，一啲都唔嚡，好嫩滑。
炸午餐肉，平時食開都係就咁厚切嘅午餐肉，呢度就多咗一重功夫炸過嘅，就算唔覺意淥耐咗都無咁易淋。
手打墨魚滑，份量都唔少，好彈牙。
花樣油條，叫呢樣嘢嘅原因係因爲被油條個名吸引咗，原來係墨魚滑釀油炸鬼...早知魚滑揀另一款試啦
手製四寶餃，呢個真係抵食之選，首先佢有黑松露帶子餃、水餃、雲吞同韭菜餃；每隻雲吞裡面都有隻鮮蝦，足料；而韭菜餃有大量韭菜，鍾意韭菜嘅人一定唔好錯過；重點係每隻餃都有BB仔拳頭咁大，爆餡的！好飽肚
飲品方面，薏米水通常都係加檸檬，今次我地揀咗比較少見嘅，粟米薏米水，好有粟米味，比起檸檬味會多一份香甜。
整體服務質素好，環境舒適，食物高質素，必定再來光顧
張貼
