影片
更多
2019-03-15
174 瀏覽
屋企附近新開茶餐廳，平時一到lunch time 好多學生都會黎幫襯，不過姐姐們都好快手好快安排好坐位環境：同一般茶餐廳冇咩分別，但係作為Marvel嘅粉絲，見到店舖入面放咗一啲IronMan嘅公仔😍😍，望住都覺得好開心！！！而坐位方面亦冇一般茶餐廳咁迫，都算坐得幾舒適。食物：今日同媽媽嚟咗食，我叫咗個常餐A餐，媽媽叫咗個芝士粟米汁龍利柳飯。先講常餐，呢一個價錢包左三隻瑞士汁雞翼再加一碗米線，仲有一份炒滑蛋，另外加錢將厚多士換咗做脆豬，咁多嘢食都只係40幾蚊，真係好抵食！轉做蕃茄湯底另加$3，呢度嘅蕃茄湯底好濃番茄味，唔會好似一般茶餐廳咁淡而無味，而且食落亦見到有好多蕃茄雞翼都比一般大隻，瑞士汁味好重，食得出雞翼係好新鮮！媽媽叫嘅龍利柳飯，最值得一讚嘅一定係佢嘅芝士粟米汁，呢個汁絕對同普通茶餐廳唔一樣，芝士味同粟米味取得完美嘅平衡。媽媽見到我想餐嘅滑蛋就好想試吓佢呢度嘅蛋治，蛋治比一般茶餐廳嘅麵包厚，而且麵包好軟身，如果雞蛋嘅份量多啲會更好飲品：黎都冰室一定要試吓香港地道嘅紅豆冰，呢度嘅紅豆冰好重椰汁味，因為我真係好鍾意食紅豆，如果紅豆多啲就好啦佢嘅奶茶紅豆冰亦都好好飲，奶茶同紅豆配合
環境：
同一般茶餐廳冇咩分別，但係作為Marvel嘅粉絲，見到店舖入面放咗一啲IronMan嘅公仔😍😍，望住都覺得好開心！！！而坐位方面亦冇一般茶餐廳咁迫，都算坐得幾舒適。
食物：
今日同媽媽嚟咗食，我叫咗個常餐A餐，媽媽叫咗個芝士粟米汁龍利柳飯。先講常餐，呢一個價錢包左三隻瑞士汁雞翼再加一碗米線，仲有一份炒滑蛋，另外加錢將厚多士換咗做脆豬，咁多嘢食都只係40幾蚊，真係好抵食！
轉做蕃茄湯底另加$3，呢度嘅蕃茄湯底好濃番茄味，唔會好似一般茶餐廳咁淡而無味，而且食落亦見到有好多蕃茄
雞翼都比一般大隻，瑞士汁味好重，食得出雞翼係好新鮮！
媽媽叫嘅龍利柳飯，最值得一讚嘅一定係佢嘅芝士粟米汁，呢個汁絕對同普通茶餐廳唔一樣，芝士味同粟米味取得完美嘅平衡。
媽媽見到我想餐嘅滑蛋就好想試吓佢呢度嘅蛋治，蛋治比一般茶餐廳嘅麵包厚，而且麵包好軟身，如果雞蛋嘅份量多啲會更好
飲品：
黎都冰室一定要試吓香港地道嘅紅豆冰，呢度嘅紅豆冰好重椰汁味，因為我真係好鍾意食紅豆，如果紅豆多啲就好啦佢嘅奶茶紅豆冰亦都好好飲，奶茶同紅豆配合得好好！
芝士粟米龍利柳飯
7 瀏覽
0 讚好
0 留言
張貼
