鮨見 (已結業)

今晚同朋友黎食omakase🤤呢間舖位於尖沙咀商廈，好近地鐵站，唔難搵。門面設計簡約，好有日本風。今晚食「見」，有前菜、茶碗蒸、七件刺身、六件壽司，仲有海膽杯，好豐富🥰前菜係青瓜墨魚配芝麻醬，墨魚好爽口，配埋芝麻醬好惹味，做前菜岩哂😋茶碗蒸好滑嫩，同時有蛋既濃郁味道。然後開始上刺身喇，每件刺身都好鮮味，回味無窮呀，最鍾意係鮟鱇魚肝，好creamy，每一啖都好有口感，配埋魚子醬感覺更高級🥰到壽司喇，每件壽司都好夠份量，一口食哂感覺好滿足😆我係蝦刺身控，呢件牡丹蝦刺身完全滿足到我，蝦非常新鮮，食得出蝦既鮮味🦐開始到尾聲，甜蝦海膽杯，海膽裝得好滿，每一啖都可以食到海膽配飯，超滿足🥰與此同時店員攞埋魚湯俾我地，魚湯味道十分香濃！完全感受到師傅連湯都絕不馬虎調製！最後上既係「甜品」——哈密瓜🍈哈密瓜十分清甜爽口，作為甜品真係完美既ending！師傅同店員都好nice，店員不時都會添茶，師傅亦好風趣友善，睇得出佢地好用心經營呢間日式餐館。另外店員仲推薦中午光顧，會比較划算，但菜單同樣唔馬虎。有機會真係好想再食，實在太令人回味😋🤤またね！