影片
更多
2023-03-05
107 瀏覽
北角四寶食堂星期日，午飯時間去到炮台山附近，幾年前有段時間在附近返學，諗起有間四寶食堂，以前常常都會幫襯，就打算去食個lunch。原來四寶食堂已經搬咗，相比舊舖好似細咗少少。今日人好多，排隊都排咗大約10分鐘。假日午市餐牌好簡單，就係一張卡片有兩邊：飯餐同麵餐可以選擇。選擇咗兩個午市飯餐 椒鹽豬扒炒飯配凍奶茶，和水門雞飯配凍檸檬茶，之後加咗個西多士。椒鹽豬扒飯，豬扒好惹味，炒飯底香口乾身，份量都好大。水門雞飯好多雞，雞味香濃不會淡茂茂。雞油飯都煮得唔錯，附送瓜湯。西多士叫咗姐姐多花生醬，佢不負所託，真係有多到花生醬，好滿足。凍奶茶茶底唔夠濃，奶太多。凍檸檬茶就幾好飲。最可惜係午市冇小菜，小食或者其他散叫食物供應，選擇相對少，對於近排唔想食太多澱粉質嘅我嚟講就有啲難以選擇，不過食物全部都好食，而且唔貴。開始食冇耐，職員就過嚟換餐牌，原來2:00就開始有下午茶，晏少少來反而可以食牛扒沙律或者炸雞翼之類。有啲後悔早咗幾個字叫嘢食😅。呢度啲職員做嘢都好有效率，落單同埋執枱都好快。總結：食物味道有水準，算係一間比較高級嘅茶餐廳，坐得舒服，服務唔錯，會再來。
星期日，午飯時間去到炮台山附近，幾年前有段時間在附近返學，諗起有間四寶食堂，以前常常都會幫襯，就打算去食個lunch。
原來四寶食堂已經搬咗，相比舊舖好似細咗少少。
今日人好多，排隊都排咗大約10分鐘。假日午市餐牌好簡單，就係一張卡片有兩邊：飯餐同麵餐可以選擇。
選擇咗兩個午市飯餐 椒鹽豬扒炒飯配凍奶茶，和水門雞飯配凍檸檬茶，之後加咗個西多士。
椒鹽豬扒飯，豬扒好惹味，炒飯底香口乾身，份量都好大。
水門雞飯好多雞，雞味香濃不會淡茂茂。雞油飯都煮得唔錯，附送瓜湯。
西多士叫咗姐姐多花生醬，佢不負所託，真係有多到花生醬，好滿足。
凍奶茶茶底唔夠濃，奶太多。凍檸檬茶就幾好飲。
最可惜係午市冇小菜，小食或者其他散叫食物供應，選擇相對少，對於近排唔想食太多澱粉質嘅我嚟講就有啲難以選擇，不過食物全部都好食，而且唔貴。
開始食冇耐，職員就過嚟換餐牌，原來2:00就開始有下午茶，晏少少來反而可以食牛扒沙律或者炸雞翼之類。有啲後悔早咗幾個字叫嘢食😅。
呢度啲職員做嘢都好有效率，落單同埋執枱都好快。
總結：食物味道有水準，算係一間比較高級嘅茶餐廳，坐得舒服，服務唔錯，會再來。
張貼
