武館 (已結業)

食高級日本料理，除咗食環境，食物質素，用料之外，其實靈魂所在在於師傅嘅手藝！雖然唔可以咁誇張講成藝術品，但確係一種享受！ 同樣嘅材料，你同我都不可能炮製出同樣的味道……武館 裡面每一位廚師，刀功手藝都非常精湛，每道菜都會提醒客人如何調味或不需要調味，因為原肉嘅鮮味可能會被蓋過，食完每一道菜又在一邊欣賞師傅處理每件幾乎大小一樣嘅刺身，真係好享受呢種慢食嘅感覺！這間料理很特別，不需要任何menu而係廚師發辦，根據當日最好嘅食材，由味道較淺至味道較濃， 逐一送上，就好似食生蠔一樣。客人只要舒舒服服逐一品嚐。食物有頭盤、麵豉湯、主菜大部份係選用新鮮上等嘅海鮮刺身、魚湯烏冬及日本水果作為甜品。很多上等嘅魚生，我喺出面都未試過，就連名字 都未聽過添。上等素材，確係與眾不同 ，每一道特別嘅魚生，我都係細意品嚐，確實食出不同的味道 就連入口嘅感覺，柔軟程度 ，魚油嘅多少及 魚脂分佈，魚皮嘅顏色……我都想試去牢牢記住……印象較為深刻如下:目鯛魚 肉質爽口，味道較淡但很鮮甜！金目鯛 火紅色嘅魚皮，發出些少銀色嘅魚鱗光，肉質柔軟，咬落口魚脂油脂滲透咀内！活赤貝 肉質很有彈力，入口爽甜！北海道珍寶牡丹蝦 肉質