影片
更多
4天前
0 瀏覽
老公生日，特意揀咗呢間高質餐廳同佢食生日飯，裡面嘅裝修設計得富麗堂皇，座位寬敞舒適，我哋嘅坐位對住窗邊，可以一邊享受寧靜嘅維港，一邊可以品嚐精緻嘅特色食物，再加上佢哋嘅柔和燈光，營做咗一份浪漫嘅感覺！當上菜時，職員都會講解每款食物嘅材料同做法，非常細心！服務態度一流！1） 燈影蓮藕：造型精緻，係用咗花椒麥芽糖整成，花椒氣味芳香，入口刺麻，蓮藕片炸到香脆可口，感覺甜而不膩。2） 五福臨門：有蝦，帶子，鮑魚，海帶車厘茄，紅酒橋頭～蝦：爽彈。～帶子：煎香表面，再用打碎嘅蔥醬伴食，肉質爽甜。～鮑魚：用15年嘅陳年紹興酒浸泡，酒味香濃，芳香，肉質彈牙。～海帶車厘茄、紅酒橋頭：酸酸甜甜，好開胃。3） 金錢肉扣：第一層薑汁做嘅啫喱片：味道甜美，略帶薑嘅辛辣味。第二層雲南野菌：菌香味濃郁。第三層黑豚肉叉燒：肉味香甜不膩。4） 花膠石頭魚羹：魚湯鮮味，加入花膠有咬口，配埋檸檬葉及卜卜脆一齊食，感覺有啲似食蛇羹。5） 迷你脆皮海參：外層炸得酥脆，內裏軟糯。6） 珍寶珠：珍寶珠形狀嘅桂圓雪葩：入口冰涼，味道好清新，可以清清味蕾。下面嘅桃膠，真係有啲似食燕窩嘅感覺。7） 黃水晶龍蝦球、椰皇蛋白：龍蝦球味道鮮甜
當上菜時，職員都會講解每款食物嘅材料同做法，非常細心！
服務態度一流！
1） 燈影蓮藕：
造型精緻，係用咗花椒麥芽糖整成，花椒氣味芳香，入口刺麻，蓮藕片炸到香脆可口，感覺甜而不膩。
2） 五福臨門：
有蝦，帶子，鮑魚，海帶車厘茄，紅酒橋頭
～蝦：爽彈。
～帶子：煎香表面，再用打碎嘅蔥醬伴食，肉質爽甜。
～鮑魚：用15年嘅陳年紹興酒浸泡，酒味香濃，芳香，肉質彈牙。
～海帶車厘茄、紅酒橋頭：酸酸甜甜，好開胃。
3） 金錢肉扣：
第一層薑汁做嘅啫喱片：味道甜美，略帶薑嘅辛辣味。
第二層雲南野菌：菌香味濃郁。
第三層黑豚肉叉燒：肉味香甜不膩。
4） 花膠石頭魚羹：魚湯鮮味，加入花膠有咬口，配埋檸檬葉及卜卜脆一齊食，感覺有啲似食蛇羹。
5） 迷你脆皮海參：外層炸得酥脆，內裏軟糯。
6） 珍寶珠：
珍寶珠形狀嘅桂圓雪葩：入口冰涼，味道好清新，可以清清味蕾。下面嘅桃膠，真係有啲似食燕窩嘅感覺。
7） 黃水晶龍蝦球、椰皇蛋白：
龍蝦球味道鮮甜，肉質結實。
椰皇蛋白：帶有椰香味，蛋白嫩滑。
8） 茅台鮮蠔屈雞煲：職員在我哋面前烹調，倒上醇香茅台，酒味香濃，配上鮮甜生蠔，嫩滑雞件，感覺好惹味！
9） 甘粟真菌炆飯：栗子甘香，鮑魚汁炆飯好入味！
10）精選四季茶雪糕：陳皮普洱茶雪糕加普洱茶啫喱，茶葉清香甘醇，茶味濃郁，感覺好清新。
11） 月光保盒：靚靚華麗嘅首飾盒裏面有一支玉簪串住三粒外層白朱古力脆皮裏面係開心果雪糕，好有古代風味，白朱古力脆皮比較甜，裏面嘅清淡開心果果仁，兩者配搭，令口感層次更豐富。
12）芝麻流心丸：外皮軟糯，內裏流心，細滑嘅芝麻香氣，讓人回味無窮。
13）用壽桃當蛋糕都幾特別。
鬆軟可口嘅外皮，滋潤微甜嘅蓮蓉蛋黃內餡，味道濃郁，又有咬口。
整體老公食得好開心，好滿意！
張貼
