樂天大喜屋 (已結業)

食放題我嘅首選係樂天大喜屋，一來交通便利是各個區域前來的中心點，另外食物選擇真係好多元化，價錢合理！,.環境ok，總算坐得舒適， 職員手腳動快靚正，上餐速度快，漏單嘅情況少。一坐低我即刻同朋友九秒九用q r code落單， 轉個頭一枱就係美食。放題必食刺身，全部魚刺身片片厚切，咬下去相當有質感，軟綿綿的。有頭蝦有兩種，肉質鮮甜無比，我一個人都食咗十幾二十隻，超好味。外層經過火炙的吞拿魚，外熟內魚，口感幾特別，魚肉相當肥美，有入口即溶的效果。薄切立魚配酸汁，本身立魚冇乜味，酸汁有助提鮮，廚師刀功真係一流，魚片好薄好透明，晶瑩剔透。壽司花款好多，生嘅 熟嘅 卷物 手捲樣樣齊， 味道和外形不比外面壽司店差，每款都相當有水準。燒牛舌 燒羊架必食，我很喜歡吃這家的串燒一點也不乾，牛舌彈牙 ，羊架啖啖肉帶點點羊騷香味。菠蘿也值得一吃，出奇的多汁甜美。蟹肉扒豆苗 豆苗係我最鍾意食嘅蔬菜，煮法清清地清下腸胃幾好。香草牛油大蜆非常鮮味，肥美冇沙，肉質帶有海水味。乳鴿即叫即炸上枱嘅時候仲係熱辣辣，大小適中，肉質很嫩。