Mo Mo Kushiage (已結業)

朋友最近升咗職，話請食飯，當然要揀間靚餐廳啦🤣見依間餐廳都多人推介，就book咗依間試試。入到黎餐廳好有簡約日本居酒屋feel，好適合同朋友靚靜地傾偈、食飯嘅地方。前菜方面，我哋嗌左一個燒鱈魚乾。個鱈魚乾真係好出色，燒到又香又脆，又冇腥味，用嚟送酒真係一流👍🏻👍🏻👍🏻我哋仲嗌左一個苦瓜刺身沙律做前菜。苦瓜唔算好苦，味道甘甘地、清新，本身我唔係鍾意食苦瓜嘅我，都接受到。加上知道要食串揚，食定苦瓜清熱氣就啱啱好🤣五點刺身拼盤五款刺身都係我嘅最愛❤️ 刺身都好新鮮，食落去好鮮甜。帶子、三文魚好肥美，蝦有好多膏🤤松葉蟹腳肉質嫩滑彈牙。開始食今日嘅主角：串揚！咁啱我哋坐喺bar 檯附近，見到佢哋啲串揚都係即叫即整，唔會預先整定放係度。所以啲串揚一送到埋黎，都係好熱好脆。日本鱔魚（左上）：燒到好香，外脆內嫩滑，無魚骨。鯡魚子昆布（左下）：冇腥味，食落口感好飽滿，昆布味淡。蘆筍（右下）：好脆，好清甜，食返啲蔬菜好似健康啲😂炸雞翼：外皮炸得好香脆，夾埋外面啲白芝麻，食落去更加香口。裏面啲雞肉仍然嫩滑，唔會好乾，調味啱啱好。蝦肉釀苦瓜（左）：又係為咗清熱，又叫咗苦瓜黎食🙈 不過釀咗蝦肉落去，食落去冇咁齋。