影片
更多
2023-02-07
80 瀏覽
經過呢間舖頭 - 旺角山東街榮哥煮場; 舖頭通常人多都會反應食質素都唔錯, 望入見到幾乎爆滿。 門口餐牌有招牌二人套餐好似幾抵又幾吸引。4選一煲類 +小菜 + 白飯2碗 + 是日糖水 + 前菜x1, 仲有特色小食, 濃湯脆皮泡飯, 特色煤炭飯, 濃雞湯推介, 飲品等等。就入去試下啦!餐廳用QR code落單, 簡單方便快捷。我地心大心細, 都係揀咗二人餐食佢個煲類, 因價錢真係抵呀! 二人餐 - $278, 我地仲叫多一個小食, 套餐加$10每人叫一支樽裝飲品。泰式無骨鳳爪 - $38泰式無骨鳳爪分量超多, 味道酸辣啱啱好。鳳爪又爽口新鮮! 胡麻醬青豆角前菜係胡麻醬青豆角, 上枱都幾大份, 而且調味非常好, 青豆角青綠爽口, 開胃而且食唔停口, 好啱食啊!招牌酸菜魚煲花膠雞煲同埋水煮魚都好想試, 不過今日想食啲辣辣地嘅嘢就叫呢個招牌酸菜魚煲, 一上枱好開心, 因為都幾多, 而且個賣相都好靚仔！仲有個爐可以一路煲住食, 聞到有酸菜魚味之餘, 仲有薑嘅味道, 個湯底夠濃, 真係好好味。其他舖嘅酸菜魚通常好多油, 好肥膩, 好辣, 我地好少可以大啖飲湯, 呢度雖然都有落花椒辣椒, 但係一
餐廳用QR code落單, 簡單方便快捷。我地心大心細, 都係揀咗二人餐食佢個煲類, 因價錢真係抵呀! 二人餐 - $278, 我地仲叫多一個小食, 套餐加$10每人叫一支樽裝飲品。
泰式無骨鳳爪 - $38
泰式無骨鳳爪分量超多, 味道酸辣啱啱好。鳳爪又爽口新鮮!
胡麻醬青豆角
前菜係胡麻醬青豆角, 上枱都幾大份, 而且調味非常好, 青豆角青綠爽口, 開胃而且食唔停口, 好啱食啊!
招牌酸菜魚煲
花膠雞煲同埋水煮魚都好想試, 不過今日想食啲辣辣地嘅嘢就叫呢個招牌酸菜魚煲, 一上枱好開心, 因為都幾多, 而且個賣相都好靚仔！仲有個爐可以一路煲住食, 聞到有酸菜魚味之餘, 仲有薑嘅味道, 個湯底夠濃, 真係好好味。其他舖嘅酸菜魚通常好多油, 好肥膩, 好辣, 我地好少可以大啖飲湯, 呢度雖然都有落花椒辣椒, 但係一啲都唔辣, 只有香, 個湯又完全唔肥膩, 仲好鮮味, 差不多比我地飲埋。 配料仲有菇, 爽口嘅萵筍, 芽菜, 酸茶份量都多, 入面有非常多魚片, 雖然呢隻唔係脆肉鯇, 係生魚片呀! 好好味, 肉都有彈性, 師傅說魚片嘅厚度都適中, 絕對有口感。
薑蔥霸王雞
小菜就揀咗薑蔥霸王雞, 話一上枱原來成半隻雞。賣相超好, 雞用三黃雞, 皮薄肉嫩, 師傅整出嚟嘅雞真係我地食過中係最…最…最嫩滑, 又唔會好生, 又唔‘鞋’ , 啱啱熟, 雞上枱係暖的, 配埋薑蔥絲, 熟蔥油, 真係好正, 好高質, 值得推薦!
腐竹薏米糖水
套餐仲有糖水送。是日糖水係腐竹薏米糖水, 好有豆味糖水, 非常濃稠而幼滑味道, 唔會好甜, 我個人來講超級鍾意, 食完更加滋潤。
樽仔奶茶, 樽仔檸茶
全部樽仔飲品都係老闆自己調配的, 即日整完入樽, 買哂就冇啦!, 絕對係新鮮製作。
總括嚟講, 性價比高, 平民價但質素高, 食物足料, 上菜又快，店員態度好, 又熱情。下次要再食埋佢嘅滋補米線及花膠雞煲先!
張貼
