影片
更多
2019-07-10
53 瀏覽
朋友話要帶我黎MK飲茶食點心，於是我就跟佢黎到旺角雅蘭中心2樓201號舖的點心廊。雖然係LUNCH TIME, 但可能因為兩個人易有位，好快就入座了。環境簡潔光猛，配上雲石枱，好似好高級GRAND既感覺!十分典雅，坐得舒適之餘，也有私人空間。叩左個瑰麗堂皇(Rose Lychee Black Tea) HKD10一個人茶位:外間少見，濃濃既玫瑰花香，配以荔枝既清甜，芳香撲鼻好易入口，推薦！看了點心紙，每款都想品嚐，所以點左創作六式拼盤 HKD1981)金箔墨汁蟹粉鮮蝦餃 : 一睇外表已經好掂，墨汁餃子皮上鋪了金箔，好華麗，食落一大堆蟹粉，配以彈牙爽口鮮蝦，唔錯！(2)海膽鳳眼餃 : 餐廳好大方，一大埋馬糞海膽，非常鮮味，而且入口即溶，好CREAMY~(3)原隻鮑魚雞粒酥: 一口鮑魚夠曬豪華，食落又方便，剛剛好! 鮑魚軟稔，有鮑汁又唔會太DRY! 雞粒配上餅底既香酥，令人無法抗拒(4)黃金啤梨鹹水角: 係啤梨呀! 呀，唔係，係鹹水角，肥DODO，外脆內軟， 皮唔會太厚! 而且餡料惹味，好美味!(5)黑白芝麻流心煎堆仔: 芝麻流心， 煙煙靭靭，黑白芝麻營養價值好高，好似好養生，食食下仲有
叩左個瑰麗堂皇(Rose Lychee Black Tea) HKD10一個人茶位:
外間少見，濃濃既玫瑰花香，配以荔枝既清甜，芳香撲鼻好易入口，推薦！
看了點心紙，每款都想品嚐，所以點左創作六式拼盤 HKD198:
(1)金箔墨汁蟹粉鮮蝦餃 : 一睇外表已經好掂，墨汁餃子皮上鋪了金箔，好華麗，食落一大堆蟹粉，配以彈牙爽口鮮蝦，唔錯！
(2)海膽鳳眼餃 : 餐廳好大方，一大埋馬糞海膽，非常鮮味，而且入口即溶，好CREAMY~
(3)原隻鮑魚雞粒酥: 一口鮑魚夠曬豪華，食落又方便，剛剛好! 鮑魚軟稔，有鮑汁又唔會太DRY! 雞粒配上餅底既香酥，令人無法抗拒
(4)黃金啤梨鹹水角: 係啤梨呀! 呀，唔係，係鹹水角，肥DODO，外脆內軟， 皮唔會太厚! 而且餡料惹味，好美味!
(5)黑白芝麻流心煎堆仔: 芝麻流心， 煙煙靭靭，黑白芝麻營養價值好高，好似好養生，食食下仲有陣鹹蛋黃味~
(6)一口燕窩蛋撻: 養顏既燕窩份量很多，蛋撻底配上餅底既香酥，不過唔太夠牛油餅底味。
黑蒜凰爪排骨飯: 黑蒜甜甜好好味，比起普通蒜少左辣口感覺，可以食哂！凰爪好軟同清理乾淨，排骨無豬腥味同雪味。
麻婆豆腐日本帶子餃: 好有特色，清脆的綠餃子用了少許食用金箔點綴頂邊，好高級咁，迷你麻婆豆腐料子咁形容就冇錯，留意到有幾粒帶子，可以提起鮮味~
成餐飯都好滿意，價錢合理，賣相精緻，無論食還是打卡都一流，會再光顧!
張貼
