酒燒弄 (已結業)

估唔到大角咀原來有間咁高質既串燒店比我地食住燒物咁飲吓酒吹下水。舖頭雖然唔大，但坐得舒服，重點係唔似一般串燒店咁多油煙，地下同枱櫈都好乾淨，加分！嘢食方面，叫咗幾款好特別嘅串燒，最好係佢有蕎麥麵或者稻庭烏冬嘅套餐，啱晒我呢啲怕食串燒唔飽嘅人！😛前菜我哋叫咗牛蒡漬，質素比得上高級omakase出品！食得出係靚貨嚟！山藥燒得外脆內爽，有微微嘅鹽味佢調味，個人好喜歡！🤤雞膝軟骨燒得香脆，和牛橫隔膜充滿牛味又唔韌👍🏻，鹽燒雞翼皮脆肉嫩，雞心風味十足口感脆脆，而且串燒味道唔似一般得孜然粉味，係偏向日式嘅調味🤤，唔鍾意太重口味嘅我覺得非常滿意！👍🏻芝士年糕熱辣辣大大粒，又係邪惡嘅拉絲芝士，好滿足。🤣到主菜，首先係和牛五花，見到都知道佢燒得剛剛好，外面香口而內裡肉嫩，牛味十足而且富油份，正！🥺👍🏻👍🏻👍🏻黑豚五花油份更重更香，每一塊都好脆口而多汁，更好係佢有酸酸甜甜嘅汁比我哋解膩，兩樣主菜都好出色！😭👍🏻但最估唔到係佢嘅蕎麥麵同埋稻庭烏冬都絕不馬虎，除咗擺盤靚之外，麵質同汁料都好好，個人覺得套餐係必食嘅！🤤👍🏻