華小料理屋 (已結業)

之前食過一次呢間Hana 華小料理屋嘅lunch，覺得好食又唔貴，一路都想再嚟食多次😋今次再嚟，都係抗拒唔到叫日本A3和牛🐂壽喜燒鍋🍲，set已經包左appetiser，漬物，沙律🥗同蒸蛋🥚前菜係麻醬菠菜，好精緻，漬物係酸蘿蔔同酸瓜，好開胃呀👍🏻，沙律辣椒汁有啲胡椒味，幾特別，蒸蛋入面有蝦🦐，冬菇🍄同白果，蛋蒸得好滑呀個鍋入面就有娃娃菜，葛絲，豆腐，金菇，洋蔥，冬菇同大蔥，d蔬菜🥬煮到淋哂索哂壽喜燒嘅甜湯真係超正呀🤤牛肉有兩種食法，一係就咁食，就食到多牛嘅原味😋，又或者可以點生雞蛋食，咁就會多左種蛋味同滑d👍🏻，面頭半生熟嘅牛肉食落就會嫩滑d架🤗最後仲有飲品同甜品牛乳布丁🍮，好飽好滿足呀