鮪世市場 (已結業)

每一次經過依間餐廳都見到排長龍(都唔係隱世了😂)，因為位置比較少加上疫情關係，等左多過半個鐘先有兩人位。由於我入坐已經係兩點幾，而last order係三點，所以我一次過就叫晒所有食物。我同朋友叫左十二件壽司share再加一個左口魚飯。散叫有帆立貝壽司，鰻魚壽司，鵝肝壽司，吞拿魚壽司，炙燒三文魚及炙燒三文魚腩壽司。左口魚飯量比較多，較容易食滯，如果唔係太肚餓，建議叫左口魚壽司會比較好。總括來説食物非常高質，各種魚類同鵝肝都好新鮮，亦都好大件，好滿足。雖然價錢偏貴，但性價比是高，相比其他連鎖日本餐廳質素好好多。