影片
更多
2023-02-11
78 瀏覽
同男朋友嚟開太子呢到搞啲嘢，整整吓都已經夜晚，所以我哋決定喺呢度食埋夜晚先返屋企。咁啱俾我哋搵到附近有呢間嘢食，都見到有啲人喺度等位，所以就試吓呢間啦。入面嘅空間都算幾大，仲有分開兩層添，都坐得幾舒服。我哋見啲嘢食都唔算好貴，所以嗌咗都幾多嘢食。滿蜆肉蝴蝶意粉本身我哋有諗過嗌double clam，但因為我哋都唔知份量會有幾多，所以最後都冇嗌到。一嚟到我哋即刻心諗，好彩我哋冇嗌到double clam，因為佢哋蜆嘅數量都好多，兩個人嘅話完全係夠食。啲意粉好掛汁，啲汁亦都好creamy。佢啲汁好食到我用其他小食點嚟食。Mozzarella sticks唔算好厚粉，28蚊嚟講份量亦都好多，而且食得出係啱啱炸起，好熱，仲拉到絲添。黑松露巴馬臣芝士薯條佢係幼身嘅薯條嚟嘅，黑松露味亦都好重，再加上少少芝士，食落好夾。份量亦都好多，3-4個share食，係絕對夠食！炸海鮮雖然佢只係$58 ，但佢份量都好多，都係三至四個人食就啱啱好。幾值得一讚嘅係，佢啲粉都唔算好厚，唔會有種覺得食皮多過食餡嘅感覺。但我會覺得呢個炸海鮮相比其他嘢食冇乜特別。Pork Rack呢一餐入邊我最鍾意食嘅就係呢個豬鞍，佢真係
入面嘅空間都算幾大，仲有分開兩層添，都坐得幾舒服。我哋見啲嘢食都唔算好貴，所以嗌咗都幾多嘢食。
滿蜆肉蝴蝶意粉
本身我哋有諗過嗌double clam，但因為我哋都唔知份量會有幾多，所以最後都冇嗌到。一嚟到我哋即刻心諗，好彩我哋冇嗌到double clam，因為佢哋蜆嘅數量都好多，兩個人嘅話完全係夠食。啲意粉好掛汁，啲汁亦都好creamy。佢啲汁好食到我用其他小食點嚟食。
Mozzarella sticks
唔算好厚粉，28蚊嚟講份量亦都好多，而且食得出係啱啱炸起，好熱，仲拉到絲添。
黑松露巴馬臣芝士薯條
佢係幼身嘅薯條嚟嘅，黑松露味亦都好重，再加上少少芝士，食落好夾。份量亦都好多，3-4個share食，係絕對夠食！
炸海鮮
雖然佢只係$58 ，但佢份量都好多，都係三至四個人食就啱啱好。幾值得一讚嘅係，佢啲粉都唔算好厚，唔會有種覺得食皮多過食餡嘅感覺。但我會覺得呢個炸海鮮相比其他嘢食冇乜特別。
Pork Rack
呢一餐入邊我最鍾意食嘅就係呢個豬鞍，佢真係整到啱啱好，唔會煮到太老，食落係好嫩，仲有啲肉汁咁。而且佢個配菜都好好食，係用紅酒煮嘅蘋果粒，可惜到就算我好飽都食得晒。
我哋另外仲嗌咗兩杯嘢飲。我嗌咗杯荔枝接骨木花特飲。原本仲好擔心會好甜，但其實我覺得啱啱好，而且飲落幾清新，幾好飲。
呢一間啲嘢食性價比都好高，如果嚟到太子諗唔到食乜嘢嘅話可以喺呢間食。
張貼
