川粤時空時尚小廚

營業中

休息中

識飲識食嘅我，今日嚟到觀塘，食我最鍾意嘅濃味川菜，店舖位於觀塘中心地段，環境好闊落，無論係兩三個人坐卡位，定係一班朋友坐卡拉OK房，呢度都係好好嘅聚腳點，特別推薦菜式如下：老壇酸菜魚⭐️⭐️⭐️⭐️啲魚滑嘅程度可以用入口即溶嚟形容，魚底配料，包括大豆芽，蓮藕，萵筍及寬粉。柚子骨⭐️⭐️⭐️⭐️十級推薦，呢條骨送飯一流，酸酸甜甜好開胃，令我不知不覺食晒成碗飯。干煸四季豆⭐️⭐️⭐️好惹味，又係送飯名菜，不過大家食肉碎要小心咬到花椒粒，我連中兩次獎。麻辣蓮藕片⭐️⭐️⭐️雖然係屬於小食前菜，但份量真係超級多，蓮藕爽脆配埋又麻又辣嘅醬汁，爽。