御品·千之味 (Eastmark)

營業中

休息中

最近呢間店已變成我的食堂，佢唔單止有壽司、刺身、卷物、軍艦、小食等，更有多款刺身丼，重要的是價錢親民。食物即叫即製，賣相甚佳，絕不馬虎，而且件件都很新鮮，仲比預期大件。雙色三文魚丼好大碗，每件魚生都好大塊又厚身，三文魚色澤靚好肥美，脂肪均勻。火炙三文魚魚油豐滿，肉質夠嫩滑。丼飯仲贈送飲品，可到雪櫃任揀一款，另加廿蚊仲可追加三文魚剌身，同樣大大塊，非常肥美，超值！三文魚腩刺身肉質更嫩滑，啖啖魚油，十分美味。火炙左口魚邊壽司輕輕燒過後滲有啖啖魚油香，肉質仍能保持嫩滑。赤貝壽司好大塊，不會像出面壽司店細小到連飯都覆蓋不到。海膽軍艦份量夠多，味道鮮甜又十分creamy！