影片
更多
2019-04-13
1447 瀏覽
2018 真係充滿淚水與汗水。辛勞一年，終於聽說 Bonus 派得不錯，總算有點安慰。小小地、預先慶祝一下啦。一直想試「三家村水產」 - 非常另類的「鯉魚門海鮮」。此店主打日式刺身及「浜燒」，有別於牌坊後面的一系列港式海鮮酒家，比較特別。地方好易搵，就係鯉魚門碼頭（不是牌坊那邊）。門口有隻「蟹道樂」式大蟹，好易認。裡面地方不大，但座位寬敞，日式裝修，附送無敵海景。坐窗口位感覺舒適。靠近門口有海鮮攤，明碼實價。門口另有活魚魚缸。來到鯉魚門都係要食活海鮮啦。韓國象拔蚌（$188），店員話切條好爽口，信佢；花竹蝦好鬼大隻（$168），一眼已經睇中；貪心想食多樣，所以點埋一份青鯛魚薄切（$128）跟酸汁。上菜刺身拼盤有乾冰效果。象拔蚌果然爽口，超甜；花竹蝦切出來都好多肉，口感口味不遜龍蝦，乃是我其中一度最愛；鯛魚就一般，始終唔係活魚。另外食生嘢無理由唔食生蠔。其實可以做燒蠔，但係我都係保險啲，食返最愛的日式酸汁食法，爽口富海水味。花竹蝦頭可以椒鹽不另收費、加埋炸魷魚鬚，送香檳一流（開瓶費$100）浜燒我們點了蟶子皇（$78）、鮑魚（$118）。有店員代勞燒完上碟。店員堅持唔點醬、不加調味，又真
一直想試「三家村水產」 - 非常另類的「鯉魚門海鮮」。此店主打日式刺身及「浜燒」，有別於牌坊後面的一系列港式海鮮酒家，比較特別。
地方好易搵，就係鯉魚門碼頭（不是牌坊那邊）。門口有隻「蟹道樂」式大蟹，好易認。
裡面地方不大，但座位寬敞，日式裝修，附送無敵海景。坐窗口位感覺舒適。
靠近門口有海鮮攤，明碼實價。門口另有活魚魚缸。
來到鯉魚門都係要食活海鮮啦。韓國象拔蚌（$188），店員話切條好爽口，信佢；花竹蝦好鬼大隻（$168），一眼已經睇中；貪心想食多樣，所以點埋一份青鯛魚薄切（$128）跟酸汁。
上菜刺身拼盤有乾冰效果。象拔蚌果然爽口，超甜；花竹蝦切出來都好多肉，口感口味不遜龍蝦，乃是我其中一度最愛；鯛魚就一般，始終唔係活魚。
另外食生嘢無理由唔食生蠔。其實可以做燒蠔，但係我都係保險啲，食返最愛的日式酸汁食法，爽口富海水味。
花竹蝦頭可以椒鹽不另收費、加埋炸魷魚鬚，送香檳一流（開瓶費$100）
浜燒我們點了蟶子皇（$78）、鮑魚（$118）。有店員代勞燒完上碟。店員堅持唔點醬、不加調味，又真係好唔同，食出海鮮原味，可惜鮑魚有啲啲乾左。
串燒選擇唔多，燒牛肉出奇好食、燒雞翼正常（唔記得影）、燒波蘿本身好甜，加了肉桂粉有小小怪。
最後整多個軟殼蟹卷。
同埋隊多個稻庭烏冬，飽晒！
埋單兩個人$1300幾（有搭的士回贈優惠），唔算平，但質素高、坐得舒服。星期五晚不滿座，希望此店可以長做長有。下次可以考慮包房（抵銷不高、可坐十幾人）。
張貼
