味自慢 (已結業)

有一排冇食過高質日本菜，所以約埋屋企人一齊，多d人可以食多d款式😁 呢道都算係我地屋企附近既日式飯堂。我極力推介菜式有：海膽壽司(因為太肚餓所以冇影到相)，燒左口邊壽司(超級肥美，魚油勁香😍)，三文魚子壽司，羽衣甘藍tempura(好好味，好食過其他整法)。另外值得一提既係麻醬拉麵，凍拉面配秒制麻醬同炸蒜片，好野味👍🏻冇影到相嘅燒牛脷都好出色，整體來講，所有食物都好好味，值得推介。人均消費要大概$800以上。