影片
更多
2022-07-04
241 瀏覽
高質系列 – 睿私房菜 💚香港天文台以唔準備令自己世界聞名😮💨其中每次大西北落雨落到可以游水咁🏊🏻♀️都係得個黃色暴雨😤大家繼續返工返學但呢幾年愈黎愈熱都真🥵大家出外要小心------------------------------環境: 位於銅鑼灣新式商廈既樓上餐廳有種卧虎藏龍既感覺😮裝潢簡約得黎好有氣派座位唔會太多😆但每張枱夠大,啲凳都坐得舒服部份位置仲可以飽覽跑馬地馬埸😍大飽眼福------------------------------食物: 藥膳豬肚湯 ($68/位) 🍲一碗份量都唔少😉仲有好多豬肚可以食望落湯非常清澈😍但飲落就發現精華煲哂出黎味道濃郁唔油膩😋仲會有陣陣藥材味既回甘生炒糯米飯 ($168) 🍚上枱時香氣直攻味蕾🤤平時唔湊米氣既小編都想食返碗坊間好多都先蒸熟後再炒🤔雖然方便但糯米既香就炒唔出但餐廳堅持生米炒成熟飯🫡令飯香更加出眾而且粒粒分明另外選用既臘味好優質😍每粒飯都吸盡哂臘味釋出既油份更埋秘製既甜豉油😋食落效果仲有點似凍天最愛既煲仔飯咁冰鎮咕嚕肉 ($188) 🐷冰鎮後令到外皮急速降溫🧊醬汁外層更為爽脆可口咕嚕肉即叫即炸🔥加上肥瘦勻稱,咬開爆出肉汁好正醬
香港天文台以唔準備令自己世界聞名😮💨
其中每次大西北落雨落到可以游水咁🏊🏻♀️
都係得個黃色暴雨😤大家繼續返工返學
但呢幾年愈黎愈熱都真🥵大家出外要小心
------------------------------
環境: 位於銅鑼灣新式商廈既樓上餐廳
有種卧虎藏龍既感覺😮裝潢簡約得黎好有氣派
座位唔會太多😆但每張枱夠大,啲凳都坐得舒服
部份位置仲可以飽覽跑馬地馬埸😍大飽眼福
------------------------------
食物: 藥膳豬肚湯 ($68/位) 🍲
一碗份量都唔少😉仲有好多豬肚可以食
望落湯非常清澈😍但飲落就發現精華煲哂出黎
味道濃郁唔油膩😋仲會有陣陣藥材味既回甘
生炒糯米飯 ($168) 🍚
上枱時香氣直攻味蕾🤤平時唔湊米氣既小編都想食返碗
坊間好多都先蒸熟後再炒🤔雖然方便但糯米既香就炒唔出
但餐廳堅持生米炒成熟飯🫡令飯香更加出眾而且粒粒分明
另外選用既臘味好優質😍每粒飯都吸盡哂臘味釋出既油份
更埋秘製既甜豉油😋食落效果仲有點似凍天最愛既煲仔飯咁
冰鎮咕嚕肉 ($188) 🐷
冰鎮後令到外皮急速降溫🧊醬汁外層更為爽脆可口
咕嚕肉即叫即炸🔥加上肥瘦勻稱,咬開爆出肉汁好正
醬汁清甜微酸🤤好好既開胃小菜,送飯都好岩食
招牌滴漏腰果布甸 ($68) 🍨
製作方法係商業秘密🫢但用得滴漏二字,可知濃郁程度
每啖都好似食左好大堆腰果入口一樣🥰濃厚而滿足
而且仲可以保持到口感非常細滑😝非常出色好味
桂圓紅棗芝麻湯圓 ($58) 🍡
味道清甜,感覺好滋潤,湯圓正常😂
------------------------------
服務: 所以店員都應該係受過仔細既訓練👍🏻
由帶位到上菜到添茶🤗都有種好流暢既感覺
唯一扣少少分既就係店員人數🤏🏼多一名就完美
------------------------------
環境: 9.5 /10
食物: 9 /10
服務: 9 /10
地址: 銅鑼灣耀華街38號Zing!28及29樓
人均消費: $300 - $ 600
張貼
