影片
更多
2022-11-03
87 瀏覽
又嚟介紹特色餐廳喇🍽！平時都好少機會可以食到法國菜，今次就想同大家介紹嘅係一間法國餐廳嚟架🇫🇷。餐廳係直接用咗法文嚟命名嘅🫡，譯返做英文嘅話就係代表Drink and eat嘅意思🙌🏻。睇返餐廳menu仲可以自選法國菜同可麗餅添😍。想知我喺呢間餐廳食過啲咩，就一定要繼續睇落去啦🤩。環境方面☝🏻餐廳採用咗Tiffany Blue嘅色調作為其中嘅主題，個人覺得呢隻色同木製嘅枱櫈都好match👾，所以整體環境都幾舒服😌。加上當日餐廳係播70-80年代嘅Jazz music🎶，令到成間餐廳嘅vibe變得更加chill😎。食物方面✌🏻#法式烤雞（半隻）（$198）首先想介紹嘅就係餐廳嘅主菜法式烤雞🐓，個人都幾欣賞餐廳嘅烤雞㗎👊🏻。烤嘅時間啱啱好，令到表皮有少少crispy 嘅口感之餘😬，雞肉嘅肉汁都成功鎖喺入面。而且雞髀肉食落都算幾嫩滑🤪，點埋餐廳嘅秘製醬汁更加會有酸酸地嘅感覺，會食得更開胃😋。另外我都好欣賞餐廳嘅薯蓉🥔，打得夠smooth夠creamy☺️。#松露薯條 ($88)之後要介紹嘅就係我最鍾意嘅薯條配搭🍟，我欣賞餐廳唔係直接送上黑松露醬就算，而係用真材實料嘅黑松露🖤。成兜薯條可以話係夠
平時都好少機會可以食到法國菜，今次就想同大家介紹嘅係一間法國餐廳嚟架🇫🇷。餐廳係直接用咗法文嚟命名嘅🫡，譯返做英文嘅話就係代表Drink and eat嘅意思🙌🏻。睇返餐廳menu仲可以自選法國菜同可麗餅添😍。想知我喺呢間餐廳食過啲咩，就一定要繼續睇落去啦🤩。
環境方面☝🏻
餐廳採用咗Tiffany Blue嘅色調作為其中嘅主題，個人覺得呢隻色同木製嘅枱櫈都好match👾，所以整體環境都幾舒服😌。加上當日餐廳係播70-80年代嘅Jazz music🎶，令到成間餐廳嘅vibe變得更加chill😎。
食物方面✌🏻
#法式烤雞（半隻）（$198）
首先想介紹嘅就係餐廳嘅主菜法式烤雞🐓，個人都幾欣賞餐廳嘅烤雞㗎👊🏻。烤嘅時間啱啱好，令到表皮有少少crispy 嘅口感之餘😬，雞肉嘅肉汁都成功鎖喺入面。而且雞髀肉食落都算幾嫩滑🤪，點埋餐廳嘅秘製醬汁更加會有酸酸地嘅感覺，會食得更開胃😋。另外我都好欣賞餐廳嘅薯蓉🥔，打得夠smooth夠creamy☺️。
#松露薯條 ($88)
之後要介紹嘅就係我最鍾意嘅薯條配搭🍟，我欣賞餐廳唔係直接送上黑松露醬就算，而係用真材實料嘅黑松露🖤。成兜薯條可以話係夠晒惹味👍，薯條炸嘅timing都啱啱好，食落帶有酥脆嘅口感🥰。
#法式朱古力心太軟配雪糕（$78）
最後就要講下餐廳嘅甜品啦🤩，本身都比較少機會可以食到心太軟🙏🏻，餐廳嘅心太軟個人認為都做得幾出色🥳，首先淨係個賣相都夠晒吸引😚，啱晒攞嚟打卡🤳。心太軟切開就已經即刻見到當中嘅朱古力醬慢慢咁流出嚟🍫，法式朱古力嘅蛋糕底配上當中嘅朱古力醬，就咁睇個配搭已經feel到朱古力味有幾咁濃🤣，加埋朱古力gelato雪糕，相信鍾意朱古力嘅人一定會把持唔住🫡。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
張貼
