一品滷水專門店

營業中

休息中

放工已經很累，吾想煮咁多餸，所以就嚟到一間外賣滷水店《一品滷水》買滷味返屋企餸飯。呢間店係炮台山英皇道，未到店已經聞到陣陣嘅滷水味。門口玻璃櫥窗掛滿淋瑯滿目嘅滷味，非常吸引，價格亦親民。今日點左滷水鵝、滷水乳鴿、滷水翼、滷水豬手、鴨舌等。另外，配料嗌紅腸、蛋。滷水色水吾係太深色，但色澤鮮明。味道方面，滷味不會死鹹，帶有少少甜味，食到我舔舔脷。配料也滋咪，豆腐外表炸到酥，入面很滑溜。滷水汁又不會搶蛋嘅味道。呢間滷水小店真係不可看小，食物嘅水準超高。