漢堡B (已結業)

經典牛肉芝士堡($39)收工同朋友喺九龍灣食飯，諗極都諗唔到食乜，咁就決定去Foodcourt食，貪佢多款式，又唔洗互相就大家食咩。諗唔到食邊款包，所以簡單揀左經典牛肉。漢堡個個都即叫即整，牛肉講明有150g，食落的確係好厚肉，配埋芝士、沙律菜、番茄，大大個要禁扁佢先食到😋。當然唔會只食包咁dry啦，另外加$15配埋炸洋蔥圈同汽水，最驚喜既係外面醬料區唔止有茄汁，居然有司令最愛既沙律醬！加分加分！