龍華軒咖啡室 (已結業)

喺ig見到呢間餐廳嘅廣告，心生一念，去咗whatsapp訂位，去食佢個雞翼放題。佢個雞翼放題係即叫即炸，隻隻新鮮炸超熱辣辣，正。佢先會每隻味都俾我地試咗先，然後等我地再叫邊隻味，咁樣就避免咗浪費！佢嘅雞翼炸得幾正！外脆，入面又多汁！唔會乾。而且最重要，雞翼係熟嘅！佢有5種味道：有蒜、蜜糖、香草、辣味同鹽味。個人嚟講，會鍾意蜜糖味，因為個蜜糖甜甜地，balance咗啲鹹味，真係令人一隻接一隻！雖然係即叫即炸，但係都唔會等好耐，好快上到碟！88蚊一個人，真心抵啊！